15.33C Vancouver 15.33C VancouverNov 26, 2020 2:55 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਇਸ ਤੱਥ ਦਾ ਬਚਾਅ ਕੀਤਾ ਹੈ ਕਿ ਕੈਨੇਡਾ ਕੋਲ ਆਪਣੀ ਕੋਈ ਵੈਕਸੀਨ ਬਣਾਉਣ ਵਾਲੀ ਫੈਸਿਲਟੀ ਨਹੀਂ ਹੈ।
ਉਨ੍ਹਾਂ ਕੱਲ ਮੰਨਿਆ ਸੀ ਕਿ ਕੈਨੇਡਾ ਨੂੰ ਕੁਝ ਹੋਰ ਦੇਸ਼ਾਂ ਦੇ ਮੁਕਾਬਲੇ ਵੈਕਸੀਨ ਮਿਲਣ 'ਚ ਸਮਾਂ ਲੱਗ ਸਕਦਾ ਹੈ।
ਪਰ ਅੱਜ ਟਰੂਡੋ ਨੇ ਕਿਹਾ ਕਿ ਬਹੁਤ ਸਾਰੇ ਵੈਕਸੀਨ ਮੈਨੂਫੈਕਚ੍ਰਰ, ਕੈਨੇਡਾ 'ਚ ਉਸ ਵੇਲੇ ਵੈਕਸੀਨ ਬਣਾਉਣ ਦੀਆਂ ਫੈਸਿਲਟੀਆਂ ਛੱਡ ਗਏ ਸਨ, ਜਦ ਕੰਜ਼ਰਵੇਟਿਵ ਸਰਕਾਰ ਸੱਤਾ ਸਾਂਭ ਰਹੀ ਸੀ।
ਕੰਜ਼ਰਵੇਟਿਵ ਐਮ.ਪੀ. ਮਿਸ਼ੈਲ ਰੈਂਪਲ ਗਾਰਨਰ ਨੇ ਟਰੂਡੋ ਨੂੰ ਪੁੱਛਿਆ ਸੀ ਕਿ ਸਰਕਾਰ ਨੇ ਕਿਸੇ ਅੰਤਰਰਾਸ਼ਟਰੀ ਡਰੱਗ ਕੰਪਨੀ ਨਾਲ ਕੈਨੇਡਾ 'ਚ ਡਰੱਗਸ ਬਣਾਉਣ ਦਾ ਕਰਾਰ ਕੀਤਾ ਹੈ।
ਇਸ 'ਤੇ ਟਰੂਡੋ ਨੇ ਅੱਜ ਹਾਊਸ ਆਫ ਕਾਮਨਜ਼ 'ਚ ਆਖਿਆ ਕਿ ਮੌਂਟਰੀਅਲ 'ਚ ਇੱਕ ਪ੍ਰੋਡਕਸ਼ਨ ਫੈਸਿਲਟੀ ਸਥਾਪਿਤ ਕੀਤੀ ਜਾ ਰਹੀ ਹੈ।
