16.64C Vancouver 16.64C VancouverAug 8, 2024 6:01 PM - The Canadian Press
ਉੱਤਰੀ ਓਕਾਨਾਗਨ ਵਿੱਚ ਹਲਕਾਰ ਪਹਾੜੀ ਜੰਗਲੀ ਅੱਗ ਵਿਚ ਪਿਛਲੇ 24 ਘੰਟਿਆਂ ਦੌਰਾਨ ਥੋੜਾ ਵਾਧਾ ਹੋਇਆ ਹੈ। ਬੀ.ਸੀ. ਵਾਈਲਡ ਫਾਇਰ ਸਰਵਿਸ ਨੇ ਅੱਜ ਤੜਕੇ ਲਗਭਗ 3:25 ਵਜੇ ਇਸ ਬਾਰੇ ਅਪਡੇਟ ਜਾਰੀ ਕਰਦੇ ਦੱਸਿਆ ਕਿ ਇਸ ਦਾ ਆਕਾਰ ਹੁਣ 700 ਹੈਕਟੇਅਰ ਹੈ ਜੋ ਕੱਲ 670 ਸੀ।
ਅੱਗ ਅਜੇ ਵੀ ਕਾਬੂ ਤੋਂ ਬਾਹਰ ਹੈ ਅਤੇ ਸੂਬੇ ਦੀਆਂ 9 ਵਾਈਲਡ ਫਾਇਰ ਆਫ਼ ਨੋਟ ਵਿਚੋਂ ਇਕ ਹੈ। ਇਹ ਅੱਗ ਬਿਜਲੀ ਡਿੱਗਣ ਕਾਰਨ ਲੱਗੀ ਸੀ ਜਿਸ ਦਾ ਪਤਾ ਐਤਵਾਰ 4 ਅਗਸਤ ਨੂੰ ਲੱਗਾ ਸੀ। ਇਸ ਅੱਗ ਦੇ ਕਾਰਨ ਹਲਕਾਰ ਡੀਪ ਕ੍ਰੀਕ, ਫਰੈਡਰਿਕ ਰੋਡ ਅਤੇ ਟੌਡ ਕ੍ਰੀਕ ਪਲੇਸ ਦੀਆਂ ਪ੍ਰਾਪਰਟੀਆਂ ਲਈ ਨਿਕਾਸੀ ਦੇ ਆਰਡਰ ਜਾਰੀ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ
ਕੋਲੰਬੀਆ ਸ਼ੁਸਵੈਪ ਰੀਜਨਲ ਡਿਸਟ੍ਰਿਕਟ ਨੇ ਸਲਮਨ ਰਿਵਰ ਰੋਡ ਦੇ ਪੂਰਬੀ ਪਾਸੇ 2325 ਤੋਂ 2621 ਤੱਕ ਅਤੇ ਡੀਪ ਕ੍ਰੀਕ ਰੋਡ ਦੇ ਪੱਛਮੀ ਪਾਸੇ 2160 ਤੋਂ 2310 ਤਕ 17 ਜਾਇਦਾਦਾਂ ਲਈ ਨਿਕਾਸੀ ਆਰਡਰ ਜਾਰੀ ਕੀਤਾ ਗਿਆ ਹੈ।
ਇਸ ਤੋਂ ਇਲਾਵਾ ਪਾਰਕਿੰਸਨ, ਵਿਅਟ, ਨੌਬ ਹਿੱਲ, ਸ਼ਾਰਪ ਅਤੇ ਸਾਲਮਨ ਨਦੀ ਦੀਆਂ ਸੜਕਾਂ ਦੇ ਨਾਲ-ਨਾਲ ਹਲਕਾਰ ਦੀਆਂ ਬਾਕੀ ਜਾਇਦਾਦਾਂ ਲਈ ਨਿਕਾਸੀ ਆਰਡਰ ਜਾਰੀ ਕੀਤਾ ਗਿਆ ਹੈ। ਕੁੱਲ ਮਿਲਾ ਕੇ 51 ਜਵਾਨ ਇਸ ਅੱਗ ’ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
