24.24C Vancouver 24.24C VancouverFeb 10, 2022 8:36 PM - The Canadian Press
ਸਰੀ 'ਚ ਗੋਲੀ ਚੱਲਣ ਦੀ ਵਾਰਦਾਤ 'ਚ ਗੰਭੀਰ ਜਖਮੀ ਹੋਏ ਵਿਅਕਤੀ ਨੇ ਦਮ ਤੋੜ ਦਿੱਤਾ ਹੈ।
ਘਟਨਾ 'ਚ ਇੱਕ ਔਰਤ ਵੀ ਜਖਮੀ ਹੋਈ ਸੀ ਅਤੇ ਉਸ ਦੀ ਹਾਲਤ ਨਾਜੁਕ ਦੱਸੀ ਗਈ ਹੈ।
ਹੁਣ ਮਾਮਲੇ ਨੂੰ ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਦੇ ਸਪੁਰਦ ਕਰ ਦਿੱਤਾ ਗਿਆ ਹੈ।
ਵਾਰਦਾਤ ਸਰੀ ਦੇ ਫਰੇਜ਼ਰ ਹਾਈਟਸ ਇਲਾਕੇ ਵਿੱਚ ਵਾਪਰੀ ਸੀ।
ਬੁੱਧਵਾਰ ਨੂੰ ਦਿੱਤੀ ਗਈ ਜਾਣਕਾਰੀ 'ਚ ਦੱਸਿਆ ਗਿਆ ਸੀ ਕਿ ਘਟਨਾ ਵਿੱਚ 2 ਲੋਕ ਜਖਮੀ ਹੋਏ ਸਨ।
ਪੀੜਤਾਂ 'ਚ ਇੱਕ ਆਦਮੀ ਅਤੇ ਇੱਕ ਔਰਤ ਹੋਣ ਦੀ ਪੁਸ਼ਟੀ ਕੀਤੀ ਗਈ ਸੀ।
ਦੋਵਾਂ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਸੰਬੰਧਤ ਦੱਸਿਆ ਗਿਆ ਹੈ।
ਵਾਰਦਾਤ 104 ਐਵੀਨਿਊ ਅਤੇ 168 ਸਟ੍ਰੀਟ ਦੇ ਇਲਾਕੇ 'ਚ ਵਾਪਰੀ ਸੀ।
ਪੁਲਿਸ ਅਨੁਸਾਰ ਵਾਰਦਾਤ ਨੂੰ ਮੰਗਲਵਾਰ ਰਾਤ ਕਰੀਬ 11.30 ਵਜੇ ਅੰਜਾਮ ਦਿੱਤਾ ਗਿਆ।
ਘਟਨਾ ਇੱਕ ਕੋ-ਔਪ ਗੈਸ ਸਟੇਸ਼ਨ ਦੇ ਕੋਲ ਵਾਪਰੀ ਅਤੇ ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਪਿੱਛੇ ਦਾ ਇਰਾਦਾ ਸਪਸ਼ਟ ਨਹੀਂ ਹੈ ਪਰ ਮਾਮਲਾ ਗੈਂਗ ਐਕਟੀਵਿਟੀ ਨਾਲ ਸੰਬੰਧਤ ਮੰਨਿਆ ਜਾ ਰਿਹਾ ਹੈ।
