15.27C Vancouver 15.27C VancouverJul 7, 2021 10:26 PM -
ਡਾਊਨਟਾਊਨ ਵੈਨਕੂਵਰ 'ਚ ਮੰਗਲਵਾਰ ਸ਼ਾਮ ਕਰੀਬ 6 ਵਜੇ 2 ਗੱਡੀਆਂ ਦੀ ਟੱਕਰ 'ਚ ਇੱਕ ਪੈਦਲ ਯਾਤਰੀ 'ਚ ਗੱਡੀ ਜਾ ਟਕਰਾਈ ਜਿਸ ਦੌਰਾਨ ਉਸ ਦੀ 11 ਮਹੀਨੇ ਦੀ ਧੀ ਦੀ ਮੌਤ ਹੋ ਗਈ।
ਇਸ ਮਾਮਲੇ 'ਚ ਇੱਕ ਵਿਅਕਤੀ ਨੀ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਘਟਨਾ 'ਚ ਪੀੜਤ ਬੱਚੀ ਦਾ 31 ਸਾਲਾ ਪਿਤਾ ਵੀ ਜ਼ਖਮੀ ਹੋ ਗਿਆ ਹੈ।
ਕਾਂਸਟੇਬਲ ਤਾਨੀਆ ਵਿਸਿੰਟਨ ਨੇ ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਬੇਹੱਦ ਭਿਆਨਕ ਅਤੇ ਦੁਖਦਾਈ ਘਟਨਾ ਸੀ।
ਇੱਕ ਕਾਲੇ ਰੰਗ ਦੀ ਫੋਰਡ ਐਸਕੇਪ ਗੱਡੀ ਦੀ ਇੱਕ ਕਾਲੇ ਰੰਗ ਦੀ ਮੈਕਲੇਰਨ ਗੱਡੀ ਨਾਲ ਟੱਕਰ ਹੋ ਗਈ।
ਘਟਨਾ ਸਮਿਥ ਅਤੇ ਹੌਰਨਬੀ ਸਟ੍ਰੀਟ ਦੇ ਕੋਲ ਵਾਪਰੀ।
ਇਸੇ ਦੌਰਾਨ ਇੱਕ ਵਾਹਨ ਸਾਈਡਵਾਕ 'ਤੇ ਜਾ ਚੜ੍ਹਿਆ ਜਿੱਥੇ ਪੀੜਤ ਇਸ ਦੀ ਚਪੇਟ ਵਿੱਚ ਆ ਗਏ।
ਇਸ ਮਾਮਲੇ 'ਚ ਫੋਰਡ ਐਸਕੇਪ ਦੇ 29 ਸਾਲਾ ਚਾਲਕ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਸ ਮਾਮਲੇ ਦੀ ਜਾਂਚ ਜਾਰੀ ਹੈ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਕਿਸੇ ਕੋਲ ਘਟਨਾ ਦੀ ਜਾਣਕਾਰੀ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
