17.42C Vancouver 17.42C VancouverJul 27, 2021 4:37 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਉਹਨਾਂ ਲੋਕਾਂ ਨੂੰ ਵੈਕਸੀਨ ਲਗਵਾਉਣ ਦੀ ਦਰਖ਼ਾਸਤ ਕੀਤੀ ਹੈ ਜਿਨਾਂ ਨੇ ਹਾਲੇ ਤਕ ਵੈਕਸੀਨ ਨਹੀਂ ਲਵਾਈ।
ਉਹਨਾਂ ਦਾ ਕਹਿਣਾ ਸੀ ਕਿ ਹੁਣ ਬਹੁਤੇ ਨਾਵੈ ਕੇਸ ਉਹਨਾਂ ਵਿੱਚ ਦਰਜ ਕੀਤੇ ਜਾਂ ਰਹੇ ਹਨ ਜਿਨਾਂ ਦੇ ਦੋਵੇਂ ਟੀਕੇ ਨਹੀਂ ਲੱਗੇ।
ਟਰੂਡੋ ਨੇ ਕਿਹਾ ਕਿ 1% ਵਿੱਚੋਂ ਵੀ ਸਿਰਫ਼ ਅੱਧੇ ਕੇਸ ਵੈਕਸੀਨ ਲਵਾ ਚੁੱਕੇ ਲੋਕਾਂ ਵਿੱਚ ਰੀਪੋਰਟ ਹੋ ਰਹੇ ਹਨ।
ਪ੍ਰਧਾਨ ਮੰਤਰੀ ਦਾ ਕਹਿਣਾ ਸੀ ਕਿ ਵੈਕਸੀਨ ਸੁਰੱਖਿਅਤ ਹੈ ਅਤੇ ਕੈਨੇਡਾ ਦੇ ਵਰਲਡ ਕਲਾਸ ਸਟੈਨਡਰਡ ਤੇ ਖਰੀ ਉਤਰਦੀ ਹੈ ਅਤੇ ਅਸਰਦਾਰ ਵੀ ਹੈ।
ਉਹਨਾਂ ਨੇ ਇਹ ਵੀ ਦੱਸਿਆ ਕਿ ਹੁਣ ਕੈਨੇਡਾ ਵਿੱਚ ਹਰ ਯੋਗ ਵਿਅਕਤੀ ਨੂੰ ਪੂਰੀ ਤਰ੍ਹਾਂ ਵੈਕਸੀਨੇਟ ਕਰਨ ਜਿਨੀਆਂ ਖੁਰਾਕਾਂ ਪਹੁੰਚ ਗਈਆਂ ਹਨ।
ਹੁਣ ਤਕ ਕੋਵਿਡ 19 ਵੈਕਸੀਨ ਦੀਆਂ ਕੁੱਲ 66 ਮਿਲੀਅਨ ਖੁਰਾਕਾਂ ਕੈਨੇਡਾ ਆ ਚੁੱਕੀਆਂ ਹਨ।
ਉਹਨਾਂ ਨੇ ਕਿਹਾ ਕ ਹੁਣ ਕਿਸੇ ਕੋਲ ਵੈਕਸੀਨ ਨਾਂ ਲਵਾਉਣ ਦਾ ਕੋਈ ਬਹਾਨਾ ਨਹੀਂ ਹੋਣ ਚਾਹੀਦਾ।
ਅੱਜ ਉਹ ਮੋਨਕਟਨ ਵਿੱਚ ਇੱਕ ਵੈਕਸੀਨ ਕਲੀਨਿਕ ਤੇ ਗਏ ਸਨ ਜਿੱਥੇ ਉਹਨਾਂ ਨੇ ਇਹ ਬਿਆਨ ਦਿੱਤਾ।
ਅੱਜ ਫੇਰ ਉਹ ਪ੍ਰਿੰਸ ਏਡਵਰਡ ਆਈਲੈਂਡ ਵਿੱਚ ਉੱਥੇ ਦੇ ਪ੍ਰੀਮਿਯਰ ਨਾਲ ਕੋਈ ਅਹਿਮ ਐਲਾਨ ਵੀ ਕਰਨਗੇ।
