19.99C Vancouver 19.99C VancouverJun 28, 2024 6:15 PM - The Canadian Press
ਸਰੀ ਵਿਚ ਬੀਤੇ ਦਿਨੀਂ ਘਰ ਵਿਚ ਦਾਖਲ ਹੋ ਕੇ ਇਕ ਔਰਤ ਦਾ ਕਤਲ ਕਰਨ ਵਾਲੇ ਦੋਸ਼ੀ 41 ਸਾਲਾ ਐਡਮ ਮਾਨ ਨੂੰ ਦੂਜੇ ਦਰਜੇ ਦੇ ਕਤਲ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਪੁਲਿਸ ਮੁਤਾਬਕ ਉਨ੍ਹਾਂ ਨੂੰ 16 ਜੂਨ ਨੂੰ 82 ਏ ਸਟ੍ਰੀਟ ਦੇ 9800-ਬਲਾਕ ਦੇ ਘਰੋਂ ਟੋਰੀ ਡਨ ਗੰਭੀਰ ਹਾਲਤ ਵਿਚ ਮਿਲੀ ਸੀ।
ਪੈਰਮੈਡਿਕਸ ਨੇ ਉਸ ਨੂੰ ਨੇੜਲੇ ਹਸਪਤਾਲ ਵਿਚ ਦਾਖਲ ਕਰਵਾਇਆ ਪਰ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਪਰਿਵਾਰ ਨੇ ਦੱਸਿਆ ਕਿ 30 ਸਾਲਾ ਟੋਰੀ ਡਨ 16 ਜੂਨ ਨੂੰ 1821 ਏ ਸਟ੍ਰੀਟ ਵਿਚ ਆਪਣੇ ਮੰਗੇਤਰ ਨਾਲ ਪਾਰਟੀ ਤੋਂ ਆਈ ਸੀ। ਉਸ ਨੂੰ ਨੀਂਦ ਆ ਰਹੀ ਸੀ ਤਾਂ ਉਹ ਘਰ ਵਿਚ ਸੋਫੇ ’ਤੇ ਹੀ ਸੌਂ ਗਈ ਅਤੇ ਉਸ ਦਾ ਮੰਗੇਤਰ ਨਹਾਉਣ ਚਲਾ ਗਿਆ।
ਇਸ ਦੌਰਾਨ ਮਾਨ ਉਨ੍ਹਾਂ ਦੇ ਘਰ ਵਿਚ ਦਾਖਲ ਹੋਇਆ ਅਤੇ ਡਨ ’ਤੇ ਹਮਲਾ ਕਰਕੇ ਫਰਾਰ ਹੋ ਗਿਆ। ਮਾਨ ਨੂੰ ਅੱਜ ਚਾਰਜ ਕੀਤਾ ਗਿਆ ਹੈ ਅਤੇ ਕਸਟਡੀ ਵਿਚ ਹੀ ਰੱਖਿਆ ਜਾਵੇਗਾ।
ਉਸ ਦਾ ਅਪਰਾਧਿਕ ਰਿਕੌਰਡ ਰਿਹਾ ਹੈ ਅਤੇ ਕਿਸੇ ਹੋਰ ਮਾਮਲੇ ਵਿਚ ਜ਼ਮਾਨਤ ਦੌਰਾਨ ਬਾਹਰ ਆਇਆ ਸੀ। ਉਸ ਨੂੰ 17 ਜੂਨ ਨੂੰ ਹਮਲਾ ਕਰਨ ਲਈ ਚਾਰਜ ਕੀਤਾ ਗਿਆ ਸੀ ਅਤੇ 2 ਜੁਲਾਈ ਨੂੰ ਅਗਲੀ ਸੁਣਵਾਈ ਲਈ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।
