16.71C Vancouver 16.71C VancouverSep 17, 2025 6:51 PM - Connect Newsroom - with files from The Canadian Press
ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੂੰ ਚੀਨੀ ਇਲੈਕਟ੍ਰਿਕ ਵਾਹਨ 'ਤੇ ਕੈਨੇਡਾ ਦੇ 100 ਫੀਸਦੀ ਟੈਰਿਫ ਨੂੰ ਬਰਕਰਾਰ ਰੱਖਣ ਦੀ ਅਪੀਲ ਕੀਤੀ ਹੈ। ਫੋਰਡ ਨੇ ਦਲੀਲ ਦਿੱਤੀ ਕਿ ਇਹ ਕਦਮ ਅਮਰੀਕਾ ਨਾਲ ਟਰੇਡ ਡੀਲ ਹਾਸਲ ਕਰਨ ਅਤੇ ਕੈਨੇਡਾ ਦੇ ਆਟੋ ਸੈਕਟਰ ਦੀ ਰੱਖਿਆ ਲਈ ਬਹੁਤ ਮਹੱਤਵਪੂਰਨ ਹੈ।
ਫੋਰਡ ਨੇ ਇਹ ਮੰਗ ਉਦੋਂ ਕੀਤੀ ਹੈ ਜਦੋਂ ਪੀ. ਐੱਮ. ਕਾਰਨੀ ਨੇ ਕੱਲ੍ਹ ਸਸਕੈਚਵਨ ਦੇ ਪ੍ਰੀਮੀਅਰ ਸਕਾਟ ਮੋਅ ਨਾਲ ਮੁਲਾਕਾਤ ਕੀਤੀ, ਮੋਅ ਹਾਲ ਹੀ ਵਿਚ ਕੈਨੋਲਾ 'ਤੇ ਚੀਨ ਦੇ ਟੈਰਿਫ ਨੂੰ ਹਟਾਉਣ ਦੀ ਕੋਸ਼ਿਸ਼ ਲਈ ਬੀਜਿੰਗ ਗਏ ਸਨ ਅਤੇ ਉਨ੍ਹਾਂ ਦਾ ਕਹਿਣਾ ਸੀ ਕਿ ਚੀਨ ਕੈਨੇਡਾ ਨਾਲ ਵਪਾਰ ਸਬੰਧ ਮੁੜ ਸਥਾਪਤ ਕਰਨ ਲਈ ਦਿਲਚਸਪੀ ਰੱਖਦਾ ਹੈ।
ਉਥੇ ਹੀ, ਪ੍ਰਧਾਨ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਕੈਨੇਡਾ ਸਰਕਾਰ ਵਪਾਰਕ ਚੁਣੌਤੀਆਂ ਤੋਂ ਪ੍ਰਭਾਵਿਤ ਕਿਸਾਨਾਂ ਅਤੇ ਕਾਰੋਬਾਰਾਂ ਦੇ ਸਮਰਥਨ ਵਿਚ ਇੱਕਜੁੱਟ ਹੈ।
ਪ੍ਰੀਮੀਅਰ ਡੱਗ ਫੋਰਡ ਨੇ ਕਿਹਾ ਕਿ ਕੈਨੇਡਾ ਦੇ ਚੀਨੀ ਇਲੈਕਟ੍ਰਿਕ ਵਾਹਨ 'ਤੇ 100 ਫੀਸਦੀ ਟੈਰਿਫਸ ਨਾਲ ਸਾਡੀਆਂ 157,000 ਨੌਕਰੀਆਂ ਬਚੀਆਂ ਹੋਈਆਂ ਹਨ। ਇਸ ਵਿਚਕਾਰ ਇੰਟਰਨਲ ਟਰੇਡ ਮੰਤਰੀ ਮਨਿੰਦਰ ਸਿੱਧੂ ਦਾ ਕਹਿਣਾ ਹੈ ਕਿ ਵਿੱਤੀ ਵਿਭਾਗ ਇਲੈਕਟ੍ਰਿਕ ਵਾਹਨ ਟੈਰਿਫ ਦਾ ਰਿਵਿਊ ਕਰ ਕਰ ਰਿਹਾ ਹੈ।
