19.29C Vancouver 19.29C VancouverNov 19, 2020 11:24 PM -
ਔਂਟੈਰੀਓ 'ਚ ਇੱਕ ਪੁਲਿਸ ਕਾਰਵਾਈ ਦੌਰਾਨ, ਪ੍ਰੋਵਿੰਸ਼ੀਅਲ ਕਾਂਸਟੇਬਲ ਮਾਰਕ ਹੋਵਿੰਗ ਦੀ ਜਾਨ ਚਲੀ ਗਈ ਹੈ।
ਡਿਊਟੀ ਨਿਭਾਉਂਦਿਆਂ ਪੁਲਿਸ ਅਫ਼ਸਰ ਦੀ ਗੋਲੀ ਲੱਗਣ ਕਾਰਨ ਮੌਤ ਹੋ ਗਈ ਹੈ।
ਘਟਨਾ ਔਂਟੈਰੀਓ ਦੇ ਮੈਨੀਟਾਓਲਿਨ ਆਈਲੈਂਡ ਇਲਾਕੇ 'ਚ ਵਾਪਰੀ ਹੈ।
ਮਾਰਕ ਹੋਵਿੰਗ 28 ਸਾਲ ਤੋਂ ਸੇਵਾਵਾਂ ਨਿਭਾ ਰਹੇ ਸਨ।
ਵੀਰਵਾਰ ਨੂੰ ਇੱਕ ਵੈੱਲਨੈਸ ਚੈੱਕ ਦੌਰਾਨ ਹੋਵਿੰਗ 'ਤੇ ਗੋਲੀ ਚਲਾ ਦਿੱਤੀ ਗਈ।
ਓ.ਪੀ.ਪੀ. ਕਮਿਸ਼ਨਰ ਥੌਮਸ ਕੈਰੀਕ ਨੇ ਦੁੱਖ ਦੇ ਸਮੇਂ 'ਚ ਪਰਿਵਾਰ ਅਤੇ ਜਾਣਕਾਰਾਂ ਲਈ ਸੰਵੇਦਨਾ ਜ਼ਾਹਿਰ ਕੀਤੀ ਹੈ।
ਸੂਬੇ ਦੇ ਪ੍ਰੀਮਿਅਰ, ਡਗ ਫੋਰਡ ਨੇ ਬੇਹੱਦ ਦੁੱਖ ਦਾ ਪ੍ਰਗਟਾਵਾ ਕਰਦਿਆਂ ਵਾਰਦਾਤ 'ਚ ਜ਼ਖਮੀ ਹੋਏ ਦੂਜੇ ਅਫ਼ਸਰ ਦੇ ਜਲਦੀ ਰਿਕਵਰ ਕਰਨ ਦੀ ਉਮੀਦ ਜਤਾਈ ਹੈ।
ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਕਵੀਨਸ ਪਾਰਕ 'ਚ ਝੰਡੇ ਨੂੰ ਹੇਠਾਂ ਕਰਨ ਦੀ ਅਪੀਲ ਕੀਤੀ ਹੈ ਤਾਂ ਜੋ ਪੀੜਤ ਪਰਿਵਾਰ ਅਤੇ ਦੁੱਖ ਦਾ ਸਾਹਮਣਾ ਕਰ ਰਹੇ ਲੋਕਾਂ ਲਈ, ਸਨਮਾਨ ਪੇਸ਼ ਕੀਤਾ ਜਾ ਸਕੇ।
ਘਟਨਾ ਦੌਰਾਨ ਸ਼ੱਕੀ ਵਿਅਕਤੀ ਨੂੰ ਵੀ ਗੋਲੀ ਲੱਗੀ ਜਿਸ ਨੂੰ ਹਸਪਤਾਲ 'ਚ ਮ੍ਰਿਤ ਐਲਾਨ ਦਿੱਤਾ ਗਿਆ।
