ਓਲਡ ਗ੍ਰੋਥ ਲੌਗਿੰਗ ਦੇ ਵਿਰੋਧੀਆਂ ਨੇ ਵੈਨਕੂਵਰ 'ਚ ਅਰੰਭੀ ਭੁੱਖ ਹੜਤਾਲ, ਪ੍ਰੀਮਿਅਰ ਤੇ ਫੌਰੈਸਟਸ ਮੰਤਰੀ ਨਾਲ ਮੁਲਾਕਾਤ ਦੀ ਮੰਗ

ਦੱਖਣੀ ਵੈਨਕੂਵਰ ਆਈਲੈਂਡ 'ਤੇ 'ਓਲਡ ਗ੍ਰੋਥ ਲੌਗਿੰਗ' ਦੇ ਵਿਰੋਧੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਡਾਊਨਟਾਊਨ ਵੈਨਕੂਵਰ 'ਚ ਭੁੱਖ ਹੜਤਾਲ ਆਰੰਭ ਦਿੱਤੀ ਹੈ।

ਐਕਸਟਿੰਕਸ਼ਨ ਰੀਬੈਲੀਅਨ ਦੇ ਬੁਲਾਰੇ ਜ਼ੀਆਨ ਹੱਕ ਦਾ ਕਹਿਣਾ ਸੀ ਕਿ 'ਓਲਡ ਗ੍ਰੋਥ ਫੌਰੈਸਟ ਲੌਗਿੰਗ ਏਰੀਆਸ' ਦੇ ਕੋਲ ਪ੍ਰਦਰਸ਼ਨ ਕਰ ਰਹੇ ਲੋਕਾਂ ਦੇ ਲਈ ਸਹਿਯੋਗ ਜ਼ਾਹਿਰ ਕਰਨ ਲਈ ਇਹ ਭੁੱਖ ਹੜਤਾਲ ਕੀਤੀ ਜਾ ਰਹੀ ਹੈ।

ਯਾਦ ਰਹੇ ਵਿਕਟੋਰੀਆ ਦੇ ਕੋਲ ਜਾਰੀ ਪ੍ਰਦਰਸ਼ਨਾਂ ਦੌਰਾਨ 220 ਤੋਂ ਵਧੇਰੇ ਗ੍ਰਿਫਤਾਰੀਆਂ ਹੋ ਚੁੱਕੀਆਂ ਹਨ।

ਹੱਕ ਦਾ ਕਹਿਣਾ ਹੈ ਕਿ ਭੁੱਖ ਹੜਤਾਲ 'ਤੇ ਬੈਠੇ ਲੋਕ ਉਸ ਵੇਲੇ ਤੱਕ ਹੜਤਾਲ ਜਾਰੀ ਰੱਖਣਗੇ ਜਦ ਤਕ ਕਿ ਪ੍ਰੀਮਿਅਰ ਜੌਨ ਹੌਰਗਨ, ਫੌਰੈਸਟਸ ਮੰਤਰੀ ਕੈਟਰੀਨ ਕੌਨਰੌਏ ਅਤੇ ਐਨਵਾਇਰਨਮੈਂਟ ਤੇ ਕਲਾਈਮੇਟ ਤਬਦੀਲੀ ਸੰਬੰਧੀ ਫੈਡਰਲ ਮੰਤਰੀ ਜੋਨਾਥਨ ਵਿਲਕਿੰਸਨ ਉਨ੍ਹਾਂ ਨੂੰ ਨਹੀਂ ਮਿਲਦੇ।

ਯਾਦ ਰਹੇ ਬੀਤੇ ਹਫ਼ਤੇ ਬੀ.ਸੀ. ਸਰਕਾਰ ਨੇ ਵੈਨਕੂਵਰ ਆਈਲੈਂਡ ਦੇ 3 ਫਰਸਟ ਨੇਸ਼ਨਸ ਦੀ ਮੰਗ ਨੂੰ ਮਨਜ਼ੂਰ ਕਰ ਲਿਆ ਸੀ ਅਤੇ ਉਨ੍ਹਾਂ ਦੇ ਇਲਾਕਿਆਂ 'ਚ 2 ਸਾਲ ਲਈ ਓਲਡ ਗ੍ਰੋਥ ਲੌਗਿੰਗ ਨੂੰ ਰੋਕ ਦਿੱਤਾ ਗਿਆ ਸੀ।

ਐਕਸਟਿੰਕਸ਼ਨ ਰਿਬੈਲੀਅਨ ਵੈਨਕੂਵਰ ਦਾ ਟਵੀਟ:

Hunger strike for old growth, Day 1.

"I am refusing to put food in my body because we are facing mass starvation in a matter of decades, due to the impacts of the climate and ecological emergency"

Full letter to

@jjhorgan

@KatrineConroy

&

@JonathanWNV

: https://docs.google.com/document/d/1-fAZZHkeZny3NYfuJDPR1OvPanVERTg461gwJUO6wxI/edit