ਸਾਬਕਾ ਲੀਡਰ ਏਰਿਨ ਓ ਟੂਲ ਅੱਜ ਵਿਦੇਸ਼ੀ ਦਖ਼ਲ ਅੰਦਾਜ਼ੀ ਕਮਿਸ਼ਨ ਸਾਹਮਣੇ ਗਵਾਹੀ ਲਈ ਹੋਏ ਪੇਸ਼

ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਦੇ ਸਾਬਕਾ ਲੀਡਰ ਏਰਿਨ ਓ ਟੂਲ ਅੱਜ ਵਿਦੇਸ਼ੀ ਦਖ਼ਲ ਅੰਦਾਜ਼ੀ ਕਮਿਸ਼ਨ ਸਾਹਮਣੇ ਗਵਾਹੀ ਲਈ ਪੇਸ਼ ਹੋਏ ਹਨ।

ਓ ਟੂਲ ਨੂੰ ਪਿਛਲੇ ਸਾਲ ਕੈਨੇਡੀਅਨ ਜਾਸੂਸੀ ਏਜੰਸੀ ਵਲੋਂ ਜਾਣਕਾਰੀ ਦਿੱਤੀ ਗਈ ਸੀ ਕਿ 2019 ਦੀਆਂ ਇਲੈਕਸ਼ਨ ਦੌਰਾਨ ਉਹ ਚੀਨ ਦੇ ਟਾਰੇਗਟ ’ਤੇ ਸਨ, ਜਿਸ ਤਹਿਤ ਉਨ੍ਹਾਂ ਦੀਆਂ ਪਾਲਿਸੀਆਂ ਬਾਰੇ ਆਨਲਾਈਨ ਝੂਠੀ ਮੁਹਿੰਮ ਚਲਾਈ ਗਈ ਅਤੇ ਉਨ੍ਹਾਂ ਦੇ ਅਕਸ ਨੂੰ ਖਰਾਬ ਕੀਤਾ।

ਓ ਟੂਲ ਮੰਨਦੇ ਹਨ ਕਿ ਇਸ ਵਜ੍ਹਾ ਨਾਲ ਉਨ੍ਹਾਂ ਦੀ ਅਗਵਾਈ ਵਿਚ ਪਾਰਟੀ ਨੂੰ 8-9 ਸੀਟਾਂ ਦਾ ਨੁਕਸਾਨ ਹੋਇਆ ਸੀ। ਓ-ਟੂਲ ਤੋਂ ਇਲਾਵਾ ਤਿੰਨ ਹੋਰ ਸਿਆਸਤਦਾਨ ਵੀ ਵਿਦੇਸ਼ੀ ਦਖ਼ਲ ਦੀ ਜਾਂਚ ਕਰ ਰਹੇ ਕਮਿਸ਼ਨ ਸਾਹਮਣੇ ਗਵਾਹੀ ਦੇ ਰਹੇ ਹਨ,ਇਨ੍ਹਾਂ ਵਿਚ ਕੰਜ਼ਰਵੇਟਿਵ ਦੇ ਵਿਦੇਸ਼ ਮਾਮਲਿਆਂ ਦੇ ਆਲੋਚਕ ਮਾਈਕਲ ਚੋਂਗ ਵੀ ਸ਼ਾਮਲ ਹਨ, ਜਿਨ੍ਹਾਂ ਦੇ ਹਾਂਗਕਾਂਗ ਵਿਚ ਰਿਸ਼ਤੇਦਾਰਾਂ ਨੂੰ ਧਮਕਾਉਣ ਦੀ ਸਾਜ਼ਿਸ ਵਿਚ ਚੀਨੀ ਡਿਪਲੋਮੈਟ ਦੇ ਸ਼ਾਮਲ ਹੋਣ ਦਾ ਪਤਾ ਲੱਗਣ ’ਤੇ ਪਿਛਲੇ ਸਾਲ ਮਈ ਵਿਚ ਓਟਵਾ ਨੇ ਉਸ ਨੂੰ ਕੈਨੇਡਾ ਤੋਂ ਕੱਢ ਦਿੱਤਾ ਸੀ।

ਉਥੇ ਹੀ, ਐੱਨ.ਡੀ.ਪੀ. ਦੀ ਐੱਮ.ਪੀ. ਜੈਨੀ ਕਵਾਨ ਦਾ ਕਹਿਣਾ ਹੈ ਕਿ 2019 ਦੀਆਂ ਇਲੈਕਸ਼ਨ ਦੌਰਾਨ ਚੀਨ ਨੇ ਉਸ ਨੂੰ ਅਜਿਹੇ ਤਰੀਕਿਆਂ ਨਾਲ ਨਿਸ਼ਾਨਾ ਬਣਾਇਆ ਜਿਸ ਦਾ ਉਹ ਖੁਲਾਸਾ ਨਹੀਂ ਕਰ ਸਕਦੀ। ਓਧਰ, ਚੀਨ ਨੇ ਕੈਨੇਡੀਅਨ ਲੋਕਤੰਤਰ ਵਿਚ ਦਖ਼ਲ ਦੇ ਸਾਰੇ ਆਰੋਪਾਂ ਦਾ ਖੰਡਨ ਕੀਤਾ ਹੈ।