ਕੈਨੇਡਾ ਅਤੇ ਐਲਬਰਟਾ ਸਰਕਾਰ ਵਾਈਲਫਾਇਰ ਦੇ ਵਿਕਟਿਮਜ਼ ਦੀ ਮਦਦ ਲਈ ਰੈੱਡ ਕਰਾਸ ਨੂੰ ਦੇਣਗੀਆਂ ਦਾਨ

ਕੈਨੇਡਾ ਅਤੇ ਐਲਬਰਟਾ ਸਰਕਾਰ ਵਾਈਲਫਾਇਰ ਦੇ ਵਿਕਟਿਮਜ਼ ਦੀ ਮਦਦ ਲਈ ਰੈੱਡ ਕਰਾਸ ਨੂੰ ਦਾਨ ਦੇਣਗੀਆਂ ਤਾਂ ਕਿ ਲੋੜਵੰਦਾਂ ਨੂੰ ਮਦਦ ਮਿਲ ਸਕੇ। ਪਹਿਲੀ ਵਾਰ ਦੋਵੇਂ ਸਰਕਾਰਾਂ ਮਿਲ ਕੇ ਕੈਨੇਡੀਅਨ ਰੈੱਡ ਕਰਾਸ ਲਈ ਦਾਨ ਕਰ ਰਹੀਆਂ ਹਨ।

ਦੋਹਾਂ ਨੇ ਕਿਹਾ ਕਿ ਉਹ ਕੈਨੇਡੀਅਨ ਰੈੱਡ ਕਰਾਸ 2024 ਐਲਬਰਟਾ ਵਾਈਲਡਫਾਇਰ ਅਪੀਲ ਲਈ ਦਾਨ ਦੇ ਬਰਾਬਰ ਰਾਸ਼ੀ ਦੇਣਗੇ ਭਾਵ ਦਾਨ ਕੀਤਾ $1 ਇਸ ਰਾਸ਼ੀ ਨੂੰ ਮਿਲਾ ਕੇ $3 ਬਣ ਜਾਵੇਗਾ। ਇਹ 25 ਜੁਲਾਈ ਤੋਂ ਲਾਗੂ ਹੋਇਆ ਹੈ ਅਤੇ 30 ਦਿਨਾਂ ਲਈ ਜਾਰੀ ਰਹੇਗਾ ।

ਕੈਨੇਡਾ ਦੇ ਸੰਕਟਕਾਲੀਨ ਤਿਆਰੀ ਮੰਤਰੀ ਹਰਜੀਤ ਸੱਜਣ ਨੇ ਕਿਹਾ ਕਿ ਫੈਡਰਲ ਸਰਕਾਰ ਅੱਗ ਕਾਰਨ ਪ੍ਰਭਾਵਿਤ ਲੋਕਾਂ ਨਾਲ ਖੜ੍ਹੀ ਹੈ ਅਤੇ ਉਹ ਜੈਸਪਰ ਦੀ ਬਰਬਾਦੀ ਨੂੰ ਠੀਕ ਕਰਨ ਅਤੇ ਮੁੜ ਘਰ ਬਣਾਉਣ ਵਿਚ ਐਲਬਰਟਾ ਸਰਕਾਰ ਨਾਲ ਮਿਲ ਕੇ ਕੰਮ ਕਰਨਗੇ।

ਉਨ੍ਹਾਂ ਅੱਗ ਬੁਝਾਉਣ ਵਿਚ ਲੱਗੇ ਫਸਟ ਰਿਸਪੌਂਡਰਜ਼, ਵਲੰਟੀਅਰਜ਼ ਅਤੇ ਗੈਰ-ਸਰਕਾਰੀ ਸੰਗਠਨਾਂ ਦੇ ਨਾਲ-ਨਾਲ ਆਦਿਵਾਸੀ ਭਾਈਚਾਰੇ ਦਾ ਧੰਨਵਾਦ ਕੀਤਾ। ਮੰਨਿਆ ਜਾ ਰਿਹਾ ਹੈ ਕਿ ਅੱਗ ਨੂੰ ਕਾਬੂ ਕਰਨ ਵਿਚ 3 ਮਹੀਨਿਆਂ ਦਾ ਸਮਾਂ ਲੱਗ ਸਕਦਾ ਹੈ।