15.88C Vancouver 15.88C VancouverNov 18, 2020 4:41 PM -
ਅਮਰੀਕਾ ਦੇ ਬੋਇੰਗ 737 ਮੈਕਸ ਜਹਾਜ਼ ਨੂੰ ਉੱਡਣ ਦੀ ਇਜਾਜ਼ਤ ਦੇ ਬਾਵਜੂਦ ਕੈਨੇਡਾ ਤੁਰੰਤ ਅਜਿਹਾ ਨਹੀਂ ਕਰੇਗਾ।
ਮਨਿਸਟਰ ਆਫ ਟਰਾਂਸਪੋਰਟ ਮਾਰਕ ਗਾਰਨੋ ਨੇ ਬੁੱਧਵਾਰ ਨੂੰ ਕਿਹਾ ਕਿ ਜਹਾਜ਼ਾਂ ਨੂੰ ਉਡਾਣ ਭਰਨ ਦੀ ਮਨਜ਼ੂਰੀ ਦੇਣ ਤੋਂ ਪਹਿਲਾਂ ਕੈਨੇਡਾ ਵੱਲੋਂ ਅਮਰੀਕਾ ਨਾਲੋਂ ਵੱਖਰੀਆਂ ਜ਼ਰੂਰਤਾਂ ਪੂਰੀਆਂ ਕੀਤੀਆਂ ਜਾਣਗੀਆਂ ਜਿਨ੍ਹਾਂ ਵਿੱਚ ਫਲਾਈਟ ਡੈੱਕ ਅਤੇ ਪਰੀ-ਫਲਾਈਟ ਬਾਰੇ ਵਾਧੂ ਪ੍ਰਕਿਰਿਆਵਾਂ ਅਤੇ ਫਲਾਈਟ ਓਪਰੇਟਰਾਂ ਲਈ ਸਿਖਲਾਈ ਵਿਚ ਅੰਤਰ ਵੀ ਸ਼ਾਮਲ ਹੈ।
ਗਾਰਨੋ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਟਰਾਂਸਪੋਰਟ ਕੈਨੇਡਾ ਦੀ ਇਹ ਪ੍ਰਕਿਰਿਆ ਜਲਦ ਹੀ ਖਤਮ ਹੋ ਜਾਵੇਗੀ।
ਅਮਰੀਕਾ ਵੱਲੋਂ ਅੱਜ ਇਹ ਐਲਾਨ ਕੀਤਾ ਗਿਆ ਸੀ ਕਿ ਬੋਇੰਗ 737 ਮੈਕਸ ਜਹਾਜ਼ ਕੰਪਨੀ ਵੱਲੋਂ ਸੌਫਟਵੇਅਰ ਅਤੇ ਕੰਪਿਊਟਰ ਸਿਸਟਮਾਂ ਵਿਚ ਤਬਦੀਲੀਆਂ ਅਤੇ ਫਲਾਈਟ ਸਿਮੂਲੇਟਰਾਂ ਵਿਚ ਪਾਇਲਟਾਂ ਨੂੰ ਸਿਖਲਾਈ ਪ੍ਰਦਾਨ ਕਰਨ ਤੋਂ ਬਾਅਦ ਦੁਬਾਰਾ ਤੋਂ ਉੱਡ ਸਕਣਗੇ।
ਦੋ ਵੱਖਰੀਆਂ ਦੁਰਘਟਨਾਵਾਂ ਵਿਚ ਜਹਾਜ਼ਾਂ ਦੇ ਹਾਦਸਾਗ੍ਰਸਤ ਹੋਣ ਕਾਰਨ 346 ਵਿਅਕਤੀ ਮਾਰੇ ਗਏ ਸਨ ਜਿਨ੍ਹਾਂ ਵਿਚੋਂ 18 ਕਨੇਡੀਅਨ ਸਨ, ਜਿਸ ਤੋਂ ਬਾਅਦ ਮਾਰਚ 2019 ਤੋਂ ਇਨ੍ਹਾਂ ਜਹਾਜ਼ਾਂ ਨੂੰ ਉੱਡਣ ਦੀ ਇਜਾਜ਼ਤ ਨਹੀਂ ਸੀ।
ਜਾਂਚਕਰਤਾਵਾਂ ਮੁਤਾਬਕ ਸੈਂਸਰਾਂ ਵਿੱਚ ਖਰਾਬੀ ਹੋਣ ਕਾਰਨ ਜਹਾਜ਼ ਹੇਠਾਂ ਵੱਲ ਜਾ ਡਿੱਗੇ ਸਨ।
