11.79C Vancouver 11.79C VancouverJun 11, 2025 3:58 PM - The Canadian Press
ਕੈਨੇਡਾ ਦੇ ਸੰਸਦੀ ਬਜਟ ਅਫਸਰ ਦਾ ਕਹਿਣਾ ਹੈ ਕਿ ਕਾਰਨੀ ਸਰਕਾਰ ਵਲੋਂ ਨਵੇਂ ਘਰਾਂ 'ਤੇ ਜੀ. ਐੱਸ. ਟੀ. ਛੋਟ ਦੇਣ ਦੀ ਯੋਜਨਾ ਨਾਲ ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਨੂੰ ਕੀਮਤ ਵਿਚ ਲਗਭਗ $27,000 ਦੀ ਬਚਤ ਹੋਵੇਗੀ। ਫੈਡਰਲ ਸਰਕਾਰ ਦੇ ਵਿੱਤੀ ਨਿਗਰਾਨੀ ਦੇ ਅਨੁਮਾਨ ਮੁਤਾਬਕ, ਇਸ ਪ੍ਰੋਗਰਾਮ ਦੇ ਲਾਈਫ ਟਾਈਮ ਦੌਰਾਨ 71,000 ਦੇ ਕਰੀਬ ਨਵੇਂ ਬਣੇ ਘਰ ਜੀ. ਐੱਸ. ਟੀ. ਰਾਹਤ ਲਈ ਕੁਆਲਿਟੀ ਹੋਣਗੇ।
ਪੀ. ਐੱਮ. ਮਾਰਕ ਕਾਰਨੀ ਦੀ ਸਰਕਾਰ ਦੇ ਪ੍ਰਸਤਾਵ ਮੁਤਾਬਕ, ਪਹਿਲੀ ਵਾਰ ਘਰ ਖਰੀਦਣ ਵਾਲਿਆਂ ਲਈ $1 ਮਿਲੀਅਨ ਤੱਕ ਦੇ ਨਵੇਂ ਘਰਾਂ 'ਤੇ ਸੇਲ ਟੈਕਸ ਦਾ ਫੈਡਰਲ ਹਿੱਸਾ ਸਮਾਪਤ ਕਰ ਦਿੱਤਾ ਜਾਵੇਗਾ, ਜਦੋਂ ਕਿ $1 ਮਿਲੀਅਨ ਤੋਂ $1.5 ਮਿਲੀਅਨ ਤੱਕ ਦੇ ਨਵੇਂ ਘਰਾਂ ਨੂੰ ਵੀ ਜੀ. ਐੱਸ. ਟੀ. ਵਿਚ ਕੁਝ ਛੋਟ ਮਿਲੇਗੀ।
ਪੀ. ਬੀ. ਓ. ਨੇ 6 ਸਾਲਾਂ ਵਿਚ ਇਸ ਪ੍ਰੋਗਰਾਮ ਦੀ ਲਾਗਤ ਖਜ਼ਾਨੇ ਨੂੰ $1.9 ਬਿਲੀਅਨ ਆਉਣ ਦਾ ਅਨੁਮਾਨ ਲਗਾਇਆ ਹੈ, ਜਦੋਂ ਕਿ ਸਰਕਾਰ ਮੰਨ ਕੇ ਚੱਲ ਰਹੀ ਹੈ ਕਿ ਇਹ ਲਾਗਤ $3.9 ਬਿਲੀਅਨ ਤੱਕ ਪਹੁੰਚ ਸਕਦੀ ਹੈ। ਗੌਰਤਲਬ ਹੀ ਕਿ ਨਵੇਂ ਘਰਾਂ ਲਈ ਜੀ. ਐੱਸ. ਟੀ. ਛੋਟ ਸਬੰਧੀ ਬਿੱਲ ਦਾ ਅਜੇ ਕਾਨੂੰਨ ਬਣਨਾ ਬਾਕੀ ਹੈ।
