ਇਰਾਨ ਹਵਾਈ ਕ੍ਰੈਸ਼ - ਜੌਨ ਹੌਰਗਨ ਵੱਲੋਂ ਦੁੱਖ ਦਾ ਪ੍ਰਗਟਾਵਾ 

ਬੁਧਵਾਰ ਨੂੰ ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਇਰਾਨ ਵਿੱਚ ਵਾਪਰੇ ਹਵਾਈ ਕ੍ਰੈਸ਼ ਸੰਬੰਧੀ ਦੁਖ ਦਾ ਪ੍ਰਗਟਾਵਾ ਕੀਤਾ।

ਆਪਣੇ ਬਿਆਨ ਵਿੱਚ ਹੌਰਗਨ ਨੇ ਆਖਿਆ ਕਿ, ਅੱਜ ਦੀ ਸਵੇਰ ਬ੍ਰਿਟਿਸ਼ ਕੋਲੰਬੀਅਨਸ ਦੇ ਲਈ ਇਰਾਨ ਵਿੱਚ ਹਵਾਈ ਕਰੈਸ਼ ਵਿੱਚ 176 ਲੋਕਾਂ ਦੇ ਮਾਰੇ ਜਾਣ ਦੀ ਬੇਹੱਦ ਦੁਖਦਾਈ ਖਬਰ ਲੈਕੇ ਆਈ।

ਉਨ੍ਹਾਂ ਅੱਗੇ ਕਿਹਾ, 'ਸਾਨੂੰ ਪਤਾ ਲੱਗਿਆ ਹੈ ਕਿ ਜਾਨ ਗਵਾਉਣ ਵਾਲੇ 63 ਕਨੇਡੀਅਨਸ ਵਿੱਚ ਕਈ ਬ੍ਰਿਟਿਸ਼ ਕੋਲੰਬੀਅਨ ਵੀ ਹਨ।'

ਉਨ੍ਹਾਂ ਇਰਾਨੀ-ਕਨੇਡੀਅਨ ਭਾਈਚਾਰੇ ਲਈ ਦੁਖ ਸਾਂਝਾ ਕੀਤਾ ਅਤੇ ਕਿਹਾ ਕਿ ਸਾਡੇ ਦਿਲ ਅਤੇ ਸੋਚ ਦੇ ਵਿੱਚ ਓਹ ਪਰਿਵਾਰ ਅਤੇ ਲੋਕ ਹਨ, ਜਿੰਨਾ ਨੇ ਆਪਣੇ ਨਜ਼ਦੀਕੀਆਂ ਨੂੰ ਇਸ ਘਟਨਾ ਵਿੱਚ ਹਮੇਸ਼ਾ ਲਈ ਗਵਾ ਦਿੱਤਾ ਹੈ।

ਪ੍ਰੀਮਿਅਰ ਨੇ ਕਿਹਾ, 'ਜਵਾਬਾਂ ਦੀ ਉਡੀਕ ਦੇ ਇਸ ਸਮੇਂ ਦੇ ਵਿੱਚ, ਅਸੀਂ ਉਨ੍ਹਾਂ ਸਾਰੇ ਮੁਲਕਾਂ ਨਾਲ ਦੁੱਖ ਦੇ ਵਿੱਚ ਸ਼ਾਮਿਲ ਹਾਂ, ਜੋ ਇਸ ਭਿਆਨਕ ਘਟਨਾ ਨਾਲ ਅਫਸੋਸ ਵਿੱਚ ਹਨ। ਅਸੀਂ ਉਨ੍ਹਾਂ ਨਾਲ ਦੁੱਖ ਸਾਂਝਾ ਕਰਦੇ ਹਾਂ।'

ਵਿਕਟੋਰੀਆ ਦੇ ਵਿੱਚ Parliament ਇਮਾਰਤਾਂ 'ਤੇ ਪਲੇਨ ਕਰੈਸ਼ ਦੇ ਪੀੜਤਾਂ ਦੀ ਯਾਦ ਵਿੱਚ ਅੱਜ ਕਨੇਡੀਅਨ ਝੰਡਾ ਵੀ half-mast ਤੇ ਫਹਿਰਾਇਆ ਜਾ ਰਿਹਾ ਹੈ।