11.9C Vancouver 11.9C VancouverNov 18, 2022 1:34 AM - The Canadian Press
ਬੀ.ਸੀ. ਦੇ ਆਊਟਗੋਇੰਗ ਪ੍ਰੀਮਿਅਰ ਦਾ ਕਹਿਣਾ ਹੈ ਕਿ ਪ੍ਰੋਵਿੰਸ਼ੀਅਲ ਸਰਕਾਰ, ਟੈਰੀਟੋਰੀਅਲ ਲੀਡਰਾਂ ਅਤੇ ਫੈਡਰਲ ਸਰਕਾਰ ਵਿਚਾਲੇ ਹੈਲਥ ਕੇਅਰ ਮਾਮਲਿਆਂ 'ਤੇ ਉਨ੍ਹਾਂ ਸਹੀ ਤਾਲਮੇਲ ਬਿਠਾਉਣ ਲਈ ਪੂਰੀ ਵਾਹ ਲਗਾਈ ਹੈ।
ਜੌਨ ਹੌਰਗਨ ਨੇ ਇਹ ਟਿੱਪਣੀ ਉਸ ਵੇਲੇ ਕੀਤੀ ਹੈ ਜਦ ਸ਼ੁੱਕਰਵਾਰ ਨੂੰ ਡੇਵਿਡ ਇਬੀ ਸੂਬੇ ਦੇ ਪ੍ਰੀਮਿਅਰ ਵਜੋਂ ਸਹੁੰ ਚੁੱਕਣ ਜਾ ਰਹੇ ਹਨ।
ਹੌਰਗਨ ਨੇ ਕਿਹਾ ਕਿ ਪ੍ਰੀਮਿਅਰਸ਼ਿਪ ਛੱਡਣ ਤੋਂ ਬਾਅਦ ਉਹ ਕੋਈ ਜੌਬ ਨਹੀਂ ਭਾਲ ਰਹੇ ਹਨ ਪਰ ਉਨ੍ਹਾਂ ਕਿਹਾ ਕਿ ਇੱਕ ਗਰੁੱਪ ਮੈਸੇਜ ਆਸਰੇ ਉਨ੍ਹਾਂ ਬਾਕੀ ਸੂਬਿਆਂ ਦੇ ਆਪਣੇ ਹਮਰੁਤਬਾ ਲੀਡਰਾਂ ਨੂੰ ਆਖਿਆ ਹੈ ਕਿ ਹੈਲਥ ਕੇਅਰ ਮਾਮਲਿਆਂ 'ਚ ਕਿਸੇ ਵੀ ਕਿਸਮ ਦੀ ਜਿੰਮੇਵਾਰੀ ਚੁੱਕਣ ਲਈ ਉਹ ਮਦਦ ਕਰਨ ਲਈ ਤਿਆਰ ਹੋਣਗੇ।
ਉਨ੍ਹਾਂ ਦੱਸਿਆ ਕਿ ਇਹ ਸੰਦੇਸ਼ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਵੀ ਪਹੁੰਚਾਇਆ ਗਿਆ ਹੈ।
ਹੌਰਗਨ ਨੇ ਕਿਹਾ ਕਿ ਉਹ ਇਸ ਫਾਈਲ ਬਾਰੇ ਜਾਣਦੇ ਹਨ ਅਤੇ ਇਸ ਬਾਰੇ ਬੇਹੱਦ ਪੈਸ਼ਨੇਟ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦਾ ਰਿਸ਼ਤਾ ਫੈਡਰਲ ਸਿਹਤ ਮੰਤਰੀ ਜੀਨ ਈਵ ਡੁਕਲੋਸ ਨਾਲ ਬਹੁਤਾ ਮਜਬੂਤ ਨਹੀਂ ਰਿਹਾ ਹੈ।
