7.64C Vancouver 7.64C VancouverMar 23, 2022 12:16 AM - Connect News
ਬੀ.ਸੀ. ਦੇ 31 ਲੋਕਾਂ ਨੂੰ ਇੱਕ ਖਾਸ ਸਨਮਾਨ ਹਾਸਿਲ ਹੋਇਆ ਹੈ।
ਸੂਬੇ ਦੇ 31 ਲੋਕਾਂ ਅਤੇ ਇੱਕ ਗਰੁੱਪ ਨੂੰ ਮੈਡਲ ਆਫ ਗੁਡ ਸਿਟੀਜ਼ਨਸ਼ਿਪ ਨਾਲ ਸਨਮਾਨਿਤ ਕੀਤਾ ਜਾ ਰਿਹਾ ਹੈ।
ਕੋਵਿਡ-19 ਪੈਂਡੈਮਿਕ ਦੌਰਾਨ ਇਨ੍ਹਾਂ ਲੋਕਾਂ ਦੀ ਕਮਿਊਨਿਟੀ ਲਈ ਸੇਵਾ ਅਤੇ ਕੀਤੇ ਕੰਮ ਸਦਕਾ ਇਸ ਸਨਮਾਨ ਲਈ ਚੋਣ ਕੀਤੀ ਗਈ ਹੈ।
ਇਸ ਸਨਮਾਨ ਸਮਾਗਮ ਲਈ ਇੱਕ ਵਰਚੁਅਲ ਮੈਡਲ ਪ੍ਰੈਜ਼ੈਂਟੇਸ਼ਨ 24 ਮਾਰਚ ਯਾਨੀ ਕਿ ਵੀਰਵਾਰ ਨੂੰ ਹੋਵੇਗੀ।
ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਸਰਕਾਰ ਨੂੰ ਮਾਣ ਹੈ ਕਿ ਅਜਿਹੇ ਬੀ.ਸੀ. ਵਾਸੀਆਂ ਨੂੰ ਸਨਮਾਨਿਤ ਕੀਤਾ ਜਾ ਰਿਹਾ ਹੈ ਜਿੰਨਾ ਨੇ ਅਸਾਧਾਰਨ ਕੰਮ ਕਰ ਕੇ ਵਿਖਾਏ।
ਹੌਰਗਨ ਨੇ ਕਿਹਾ ਕਿ ਇਨ੍ਹਾਂ ਸਾਰੇ ਲੋਕਾਂ ਨੂੰ ਉਨ੍ਹਾਂ ਦੇ ਸਾਥੀਆਂ ਅਤੇ ਹੋਰ ਲੋਕਾਂ ਨੇ ਉਦਾਰਤਾ, ਦਿਆਲਤਾ ਅਤੇ ਨਿਰਸਵਾਰਥ ਕੰਮ ਲਈ ਥਾਪੜਾ ਦਿੱਤਾ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ 2 ਸਾਲ 'ਚ ਸੂਬੇ ਨੇ ਬੇਹੱਦ ਮੁਸ਼ਕਿਲ ਹਾਲਾਤਾਂ ਦਾ ਸਾਹਮਣਾ ਕੀਤਾ ਅਤੇ ਉਸ ਸਮੇਂ ਇਹ ਲੋਕ ਸੂਬੇ ਲਈ ਡਟੇ ਰਹੇ।
ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਸਨਮਾਨਿਤ ਹੋ ਰਹੇ ਲੋਕਾਂ 'ਚ 21 ਡਾਈਵਰਸ ਕਮਿਊਨਿਟੀਸ ਦੇ ਲੋਕ ਹਨ ਜੋ ਦਰਸ਼ਾਉਂਦਾ ਹੈ ਕਿ ਬੀ.ਸੀ. ਦੀ ਵਿਭਿੰਨਤਾ 'ਚ ਤਾਕਤ ਹੈ।
