ਪਾਕਿ ’ਚ ਆਤਮਘਾਤੀ ਹਮਲੇ ਦੌਰਾਨ ਪੰਜ ਚੀਨੀ ਤੇ ਇੱਕ ਪਾਕਿਸਤਾਨੀ ਨਾਗਰਿਕ ਸਮੇਤ 6 ਮਰੇ

ਪਾਕਿਸਤਾਨ ਦੇ ਖੈਬਰ ਪਖਤੂਨਖਵਾ ਵਿਚ ਇੱਕ ਆਤਮਘਾਤੀ ਹਮਲੇ ਵਿਚ ਪੰਜ ਚੀਨੀ ਇੰਜੀਨੀਅਰ ਅਤੇ ਇੱਕ ਪਾਕਿਸਤਾਨੀ ਨਾਗਰਿਕ ਦੀ ਮੌਤ ਹੋ ਗਈ। ਹਮਲਾ ਮੰਗਲਵਾਰ ਨੂੰ ਉਸ ਸਮੇਂ ਹੋਇਆ ਜਦੋਂ ਚੀਨੀ ਇੰਜੀਨੀਅਰਜ਼ ਦਾ ਵਾਹਨ ਬੇਸ਼ਾਮ ਸ਼ਹਿਰ ਵਿਚ ਹਾਈਵੇ ਤੋਂ ਲੰਘ ਰਿਹਾ ਸੀ।

ਅਧਿਕਾਰੀਆਂ ਮੁਤਾਬਕ,ਆਤਮਘਾਤੀ ਹਮਲਾਵਰ ਨੇ ਚੀਨੀ ਇੰਜੀਨੀਅਰ ਨੂੰ ਲਿਜਾ ਰਹੀ ਗੱਡੀ ਨੂੰ ਵਿਸਫੋਟਕ ਨਾਲ ਭਰੀ ਗੱਡੀ ਨਾਲ ਟੱਕਰ ਮਾਰੀ। ਇਸ ਹਮਲੇ ਦੇ ਤੁਰੰਤ ਬਾਅਦ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਹਿਬਾਜ਼ ਸ਼ਰੀਫ ਨੇ ਇਸਲਾਮਾਬਾਦ ਵਿਚ ਚੀਨੀ ਦੂਤਾਵਾਸ ਦਾ ਦੌਰਾ ਕੀਤਾ ਅਤੇ ਚੀਨੀ ਇੰਜੀਨੀਅਰ ਦੀ ਮੌਤ ’ਤੇ ਦੁਖ਼ ਦਾ ਪ੍ਰਗਟਾਵਾ ਕੀਤਾ।

ਉਥੇ ਹੀ, ਇਸ ਤੋਂ ਪਹਿਲਾਂ ਅੱਤਵਾਦੀ ਦੇਰ ਰਾਤ ਬਲੋਚਿਸਤਾਨ ਵਿਚ ਪਾਕਿਸਤਾਨ ਦੇ ਦੂਜੇ ਸਭ ਤੋਂ ਵੱਡੇ ਸਮੁੰਦਰੀ ਬੇਸ ਵਿਚ ਦਾਖਲ ਹੋਏ ਸਨ। ਇਸ ਵਿਚ ਇਕ ਫੌਜੀ ਦੀ ਮੌਤ ਹੋ ਗਈ, ਜਦੋਂ ਕਿ ਸੁਰੱਖਿਆ ਬਲਾਂ ਨੇ 4 ਅੱਤਵਾਦੀਆਂ ਨੂੰ ਮਾਰ ਦਿੱਤਾ।

ਖਬਰਾਂ ਮੁਤਾਬਕ ਸਮੁੰਦਰੀ ਬੇਸ ਤੋਂ ਅੱਤਵਾਦੀਆਂ ਖਿਲਾਫ ਓਪਰੇਸ਼ਨ 8 ਘੰਟੇ ਤੱਕ ਚੱਲਿਆ। ਰਿਪੋਰਟਸ ਮੁਤਾਬਕ, ਹਮਲੇ ਦੀ ਜ਼ਿੰਮੇਵਾਰੀ ਲਈ ਬਲੋਚ ਲਿਬਰੇਸ਼ਨ ਆਰਮੀ ਨੇ ਹੈ।