24.01C Vancouver 24.01C VancouverApr 2, 2024 12:04 PM - THE ASSOCIATED PRESS
ਇਜ਼ਰਾਈਲ ਦੀਆਂ ਫੌਜਾਂ ਨੇ ਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਅਲ-ਸ਼ਿਫਾ ਦੀ 14 ਦਿਨਾਂ ਦੀ ਘੇਰਾਬੰਦੀ ਤੋਂ ਬਾਅਦ ਉਥੋਂ ਪਿੱਛੇ ਹਟਣ ਦੀ ਘੋਸ਼ਣਾ ਕੀਤੀ ਹੈ।
ਹਾਲਾਂਕਿ, ਸੰਯੁਕਤ ਰਾਸ਼ਟਰ ਦੀ ਸਿਹਤ ਏਜੰਸੀ ਨੇ ਕਿਹਾ ਕਿ ਇਜ਼ਰਾਇਲੀ ਫੌਜ ਦੀ ਰੇਡ ਦੌਰਾਨ ਹਸਪਤਾਲ ਦੇ ਕਈ ਮਰੀਜ਼ਾਂ ਦੀ ਮੌਤ ਹੋ ਗਈ ਅਤੇ ਦਰਜਨਾਂ ਦੀ ਜ਼ਿੰਦਗੀ ਨੂੰ ਜੋਖਮ ਵਿਚ ਪਾਇਆ ਗਿਆ।
ਸੰਯੁਕਤ ਰਾਸ਼ਟਰ ਮੁਤਾਬਕ ਘੱਟੋ-ਘੱਟ 21 ਮਰੀਜ਼ਾਂ ਦੀ ਫੌਜੀ ਕਾਰਵਾਈ ਦੌਰਾਨ ਮੌਤ ਹੋਈ, 100 ਤੋਂ ਵੱਧ ਮਰੀਜ਼ ਅਜੇ ਵੀ ਕੰਪਲੈਕਸ ਵਿਚ ਫਸੇ ਹਨ, ਜਿਨ੍ਹਾਂ ਵਿਚੋਂ 28 ਦੀ ਹਾਲਤ ਗੰਭੀਰ ਹੈ।
ਇਜ਼ਰਾਇਲ ਦੀ ਫੌਜ ਨੇ ਕਿਹਾ ਕਿ ਉਸ ਨੇ ਹਮਾਸ ਦੇ ਟਿਕਾਣੇ ਨਸ਼ਟ ਕਰਨ ਲਈ ਹਸਪਤਾਲ ’ਤੇ ਰੇਡ ਕੀਤੀ। ਉਥੇ ਹੀ, ਰਿਪੋਰਟਸ ਦਾ ਕਹਿਣਾ ਹੈ ਕਿ ਅਲ-ਸ਼ਿਫਾ ਹਸਪਤਾਲ ਦਾ ਜ਼ਿਆਦਾਤਰ ਹਿੱਸਾ ਖੰਡਰ ਵਿਚ ਬਦਲ ਚੁੱਕਾ ਹੈ।
ਇਜ਼ਰਾਈਲ ਰੱਖਿਆ ਬਲ ਨੇ ਦਾਅਵਾ ਕੀਤਾ ਕਿ ਉਸ ਨੇ 200 ਅੱਤਵਾਦੀਆਂ ਨੂੰ ਢੇਰ ਕੀਤਾ, ਸੈਂਕੜੇ ਅੱਤਵਾਦੀਆਂ ਨੂੰ ਹਿਰਾਸਤ ਵਿਚ ਲਿਆ ਹੈ ਅਤੇ ਪੂਰੇ ਹਸਪਤਾਲ ਵਿਚ ਹਥਿਆਰ ਅਤੇ ਖੁਫੀਆ ਜਾਣਕਾਰੀ ਮਿਲੀ ਹੈ।
