13.16C Vancouver 13.16C VancouverJun 17, 2025 7:27 PM - Connect Newsroom
ਐਡਮਿੰਟਨ ਆਇਲਰਜ਼ ਅਤੇ ਪੈਂਥਰਸ ਅੱਜ ਫਾਈਨਲ ਦੇ 6ਵੇਂ ਮੈਚ ਵਿਚ ਫਲੋਰੀਡਾ ਦੇ ਅਮਰੈਂਟ ਬੈਂਕ ਅਰੇਨਾ ਵਿਚ ਭਿੜਨਗੇ। ਫਲੋਰੀਡਾ ਪੈਂਥਰਸ ਸੀਰੀਜ਼ ਵਿਚ 3-2 ਨਾਲ ਅੱਗੇ ਹਨ ਅਤੇ ਜੇ ਉਹ ਆਇਲਰਜ਼ ਨੂੰ ਇਸ ਮੁਕਾਬਲੇ ਵਿਚ ਵੀ ਹਰਾ ਦਿੰਦੇ ਹਨ ਤਾਂ ਇਹ ਪੈਂਥਰਸ ਦਾ ਲਗਾਤਾਰ ਦੂਜੇ ਸਾਲ ਸਟੈਨਲੇ ਕੱਪ 'ਤੇ ਕਬਜ਼ਾ ਹੋਵੇਗਾ।
ਐਡਮਿੰਟਨ ਵਿਚ 5ਵੇਂ ਮੈਚ ਵਿਚ ਸ਼ਾਨਦਾਰ ਪ੍ਰਦਰਨਸ਼ਨ ਤੋਂ ਬਾਅਦ ਪੈਂਥਰਸ ਲਈ ਹੋਮ ਆਈਸ 'ਤੇ ਚੈਂਪੀਅਨਸ਼ਿਪ ਜਿੱਤਣ ਦਾ ਇਹ ਪਹਿਲਾ ਮੌਕਾ ਆਇਆ ਹੈ। ਉਥੇ ਹੀ, ਆਇਲਰਜ਼ ਕੋਲ ਇਸ ਸਾਲ ਹਾਰ ਦਾ ਸਿਲਸਿਲਾ ਤੋੜਨ ਦਾ ਦੂਜਾ ਮੌਕਾ ਹੈ ਪਰ ਟੀਮ ਨੂੰ ਇਸ ਗੱਲ ਦੀ ਵੀ ਚਿੰਤਾ ਹੈ ਕਿ ਇਤਿਹਾਸ ਖੁਦ ਨੂੰ ਦੁਹਰਾ ਸਕਦਾ ਹੈ ਯਾਨੀ ਕੱਪ ਪੈਂਥਰਸ ਦੇ ਨਾਮ ਹੋ ਸਕਦਾ ਹੈ।
ਗੌਰਤਲਬ ਹੈ ਕਿ ਆਇਲਰਜ਼ ਨੇ ਸੀਰੀਜ਼ ਦੀ ਸ਼ੁਰੂਆਤ ਮਜ਼ਬੂਤੀ ਨਾਲ ਕੀਤੀ ਸੀ, ਪਹਿਲੀ ਗੇਮ ਇਸ ਨੇ 4-3 ਨਾਲ ਜਿੱਤੀ ਸੀ ਪਰ ਪੈਂਥਰਸ ਨੇ ਸ਼ਨੀਵਾਰ ਇਸ ਨੂੰ 5-2 ਨਾਲ ਹਰਾ ਦਿੱਤਾ, ਜਿਸ ਨਾਲ ਉਨ੍ਹਾਂ ਨੂੰ 3-2 ਦੀ ਬੜ੍ਹਤ ਮਿਲ ਗਈ।
