20.61C Vancouver 20.61C VancouverAug 2, 2024 4:37 PM - Connect Newsroom
ਪੈਰਿਸ ਓਲੰਪਿਕ ਵਿਚ ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਅੱਜ ਇਤਿਹਾਸ ਰਚਦੇ ਹੋਏ ਗਰੁੱਪ ਮੈਚ ਵਿਚ ਆਸਟ੍ਰੇਲੀਆ ਨੂੰ 3-2 ਨਾਲ ਹਰਾ ਦਿੱਤਾ। ਭਾਰਤ ਨੂੰ ਹਾਕੀ ਮੁਕਾਬਲੇ ਵਿਚ ਆਸਟ੍ਰੇਲੀਆ ’ਤੇ ਇਹ ਜਿੱਤ ਓਲਿੰਪਕ ਦੇ ਇਤਿਹਾਸ ਵਿਚ 52 ਸਾਲ ਬਾਅਦ ਮਿਲੀ ਹੈ।
ਇਸ ਜਿੱਤ ਤੋਂ ਪਹਿਲਾਂ ਭਾਰਤ ਨੇ ਆਸਟ੍ਰੇਲੀਆ ਨੂੰ 1972 ਵਿਚ ਹਰਾਇਆ ਸੀ। ਉੱਥੇ ਹੀ ਅੱਜ ਦੇ ਮੁਕਾਬਲੇ ਵਿਚ ਹਾਫ ਟੀਮ ਤੱਕ ਭਾਰਤ ਨੇ 2-1 ਨਾਲ ਲੀਡ ਬਣਾਈ ਰੱਖੀ। ਹਾਲਾਂਕਿ, ਆਸਟ੍ਰੇਲੀਆ ਨੇ ਇੱਕ ਗੋਲ ਕਰਕੇ ਵਾਪਸੀ ਦੀ ਉਮੀਦ ਜਗਾਈ ਪਰ ਭਾਰਤ ਨੇ ਉਦੋਂ ਤੱਕ ਇਕ ਹੋਰ ਗੋਲ ਕਰ ਦਿੱਤਾ।
ਹਾਲਾਂਕਿ, ਮੈਚ ਦੇ ਪੰਜ ਬਾਕੀ ਰਹਿੰਦੇ ਹੋਏ ਆਸਟ੍ਰੇਲੀਆ ਨੇ ਇੱਕ ਹੋਰ ਗੋਲ ਕਰਨ ਵਿਚ ਕਾਮਯਾਬੀ ਹਾਸਲ ਕੀਤੀ ਪਰ ਭਾਰਤ ਨੇ ਮੋਰਚਾ ਸੰਭਾਲਦੇ ਹੋਏ ਆਸਟ੍ਰੇਲੀਆ ਨੂੰ ਹੋਰ ਅੱਗੇ ਵਧਣ ਨਹੀਂ ਦਿੱਤਾ ਤੇ ਮੈਚ ਆਪਣੇ ਨਾਮ ਕਰ ਲਿਆ, ਭਾਰਤ ਲਈ ਪਹਿਲਾ ਗੋਲ ਅਭਿਸ਼ੇਕ ਨੇ ਕੀਤਾ, ਇਸ ਤੋਂ ਬਾਅਦ ਦੂਜਾ ਅਤੇ ਤੀਜਾ ਗੋਲ ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਕੀਤੇ।
ਪਿਛਲੇ ਦਿਨ ਭਾਰਤੀ ਟੀਮ ਨੇ ਬੈਲਜੀਅਮ ਤੋਂ 2-1 ਨਾਲ ਪਹਿਲੀ ਹਾਰ ਦਾ ਸਾਹਮਣਾ ਕੀਤਾ ਸੀ ਅਤੇ ਕਪਤਾਨ ਹਰਮਨਪ੍ਰੀਤ ਇੱਕ ਵੀ ਗੋਲ ਨਹੀਂ ਕਰ ਸਕੇ ਸਨ। ਹੁਣ 4 ਅਗਸਤ ਨੂੰ ਭਾਰਤੀ ਟੀਮ ਗਰੁੱਪ ਏ ਦੇ ਤੀਜੇ ਸਥਾਨ ਦੀ ਟੀਮ ਨਾਲ ਕੁਆਰਟਰ ਫਾਈਨਲ ਮੈਚ ਖੇਡੇਗੀ, ਅਜੇ ਇਸ ਟੀਮ ਦਾ ਨਾਮ ਤੈਅ ਨਹੀਂ ਹੋਇਆ ਹੈ।
