29.7C Vancouver 29.7C VancouverMar 31, 2021 5:31 PM -
ਫਾਈਜ਼ਰ ਕੈਨੇਡਾ ਦਾ ਕਹਿਣਾ ਹੈ ਕਿ ਉਹ ਹੈਲਥ ਕੈਨੇਡਾ ਤੋਂ ਮੰਗ ਕਰਨਗੇ ਕਿ ਕੋਵਿਡ-19 ਵੈਕਸੀਨ ਨੂੰ 12 ਤੋਂ 15 ਸਾਲ ਦੇ ਬੱਚਿਆਂ ਲਈ ਵੀ ਮਨਜ਼ੂਰ ਕੀਤਾ ਜਾਵੇ।
ਫਾਈਜ਼ਰ-ਬਾਇਓਐਨਟੈਕ ਵੈਕਸੀਨ ਨੂੰ ਪਹਿਲਾਂ ਹੀ 16 ਸਾਲ ਅਤੇ ਉਸ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਮਨਜ਼ੂਰ ਕੀਤਾ ਜਾ ਚੁੱਕਾ ਹੈ।
ਇਸ ਵੈਕਸੀਨ ਦੇ ਸ਼ੁਰੂਆਤੀ ਕਲੀਨੀਕਲ ਟ੍ਰਾਇਲਸ ਵਿੱਚ ਛੋਟੀ ਉਮਰ ਦੇ ਲੋਕਾਂ ਨੂੰ ਸ਼ਾਮਿਲ ਨਹੀਂ ਕੀਤਾ ਗਿਆ ਸੀ।
ਹਾਲਾਂਕਿ ਬਾਅਦ ਦੇ ਟ੍ਰਾਇਲਸ ਦੌਰਾਨ ਅਮਰੀਕਾ 'ਚ 12 ਤੋਂ 15 ਸਾਲ ਦੇ 2,260 ਬੱਚਿਆਂ ਨੂੰ ਸ਼ਾਮਿਲ ਕੀਤਾ ਗਿਆ ਸੀ।
ਇਹ ਟ੍ਰਾਇਲ ਪਤਝੜ ਤੋਂ ਜਾਰੀ ਰਹੇ ਹਨ।
ਇਸ ਕੰਪਨੀ ਨੇ ਬੁੱਧਵਾਰ ਨੂੰ ਟ੍ਰਾਇਲਸ ਸੰਬੰਧੀ ਪ੍ਰੀਲਿਮਨਰੀ ਡਾਟਾ ਸਾਂਝਾ ਕੀਤਾ ਹੈ ਜਿਸ ਅਨੁਸਾਰ ਵੈਕਸੀਨ ਦੀ ਵਰਤੋਂ ਕਰਨ ਵਾਲਿਆਂ ਨੇ ਕੋਵਿਡ-19 ਦੇ ਲੱਛਣ ਸਥਾਪਿਤ ਨਹੀਂ ਕੀਤੇ ਸਨ।
