10.94C Vancouver 10.94C VancouverFeb 10, 2021 2:15 AM -
ਬੀ.ਸੀ. ਦੇ ਆਡੀਟਰ ਜਨਰਲ ਦੀ ਇਕ ਨਵੀਂ ਰਿਪੋਰਟ ਵਿੱਚ ਸਾਹਮਣੇ ਆਇਆ ਹੈ ਕਿ ਪ੍ਰੋਵਿੰਸ਼ੀਅਲ ਹੈਲਥ ਸਰਵਿਸਿਜ਼ ਅਥਾਰਿਟੀ (Provincial health services authority, PHSA) ਮਰੀਜ਼ਾਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਲਈ ਆਪਣੇ ਮੈਡਿਕਲ ਉਪਕਰਨਾਂ ਦੀ ਸਾਈਬਰ ਸਕਿਓਰਿਟੀ ਦਾ ਪ੍ਰਭਾਵਸ਼ਾਲੀ ਢੰਗ ਨਾਲ ਪ੍ਰਬੰਧ ਨਹੀਂ ਕਰ ਰਹੀ।
ਅੱਜ ਜਾਰੀ ਕੀਤੀ ਗਈ ਮੈਨੇਜਮੈਂਟ ਆਫ ਮੈਡਿਕਲ ਡਿਵਾਈਸ ਸਾਈਬਰਸਿਕਿਉਰਿਟੀ ਐਟ ਦ ਪ੍ਰੋਵਿੰਸ਼ੀਅਲ ਹੈਲਥ ਸਰਵਿਸਿਜ਼ ਅਥਾਰਿਟੀ (Management of medical device cybersecurity at the provincial health services authority) ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਨੈੱਟਵਰਕ ਨਾਲ ਜੁੜੇ ਮੈਡਿਕਲ ਉਪਕਰਨ ਸਿਹਤ ਸੰਭਾਲ ਪ੍ਰਣਾਲੀ ਦਾ ਜ਼ਰੂਰੀ ਹਿੱਸਾ ਹਨ, ਅਤੇ ਇਨ੍ਹਾਂ ਡਾਕਟਰੀ ਉਪਕਰਨਾਂ 'ਤੇ ਸਾਈਬਰ ਅਟੈਕ ਮਰੀਜ਼ਾਂ ਦੇ ਇਲਾਜ ਨੂੰ ਰੋਕ ਸਕਦਾ ਹੈ ਜਾਂ ਇਸ ਵਿੱਚ ਦੇਰੀ ਕਰ ਸਕਦਾ ਹੈ।
ਬੀ.ਸੀ. ਦੇ ਆਡੀਟਰ ਜਨਰਲ ਮਾਈਕਲ ਪਿਕਅਪ (Michael Pickup) ਦਾ ਕਹਿਣਾ ਸੀ ਕਿ PHSA ਨੇ ਸਾਰੇ ਸਾਈਬਰ ਸਕਿਓਰਿਟੀ ਖ਼ਤਰਿਆਂ ਅਤੇ ਉਨ੍ਹਾਂ ਦੇ ਮਰੀਜ਼ਾਂ ਲਈ ਸੰਭਾਵਿਤ ਨੁਕਸਾਨ ਦਾ ਮੁਲਾਂਕਣ ਨਹੀਂ ਕੀਤਾ ਹੈ ਅਤੇ ਹੈਲਥ ਅਥਾਰਿਟੀ ਘੋਲ ਮੈਡੀਕਲ ਉਪਕਰਣਾਂ ਦੇ ਸਾਈਬਰ ਸਕਿਓਰਿਟੀ ਨਿਅੰਤਰਣ ਦੀ ਵੀ ਘਾਟ ਹੈ।
ਪਿਕਅਪ ਨੇ ਦੱਸਿਆ ਕਿ PHSA ਨੂੰ ਸਾਈਬਰ ਸਕਿਉਰਿਟੀ ਖ਼ਤਰਿਆਂ ਦਾ ਮੁਲਾਂਕਣ ਕਰਨ, ਆਪਣੇ ਸਾਰੇ ਸਿਸਟਮਜ਼ ਅਤੇ ਉਪਕਰਨਾਂ ਦੀ ਸਾਈਬਰ ਸਕਿਉਰਿਟੀ ਸਬੰਧੀ ਘਟਨਾਵਾਂ ਲਈ ਮਾਨੀਟਰਿੰਗ ਕਰਨ ਅਤੇ ਪ੍ਰਬੰਧਕੀ ਪਹੁੰਚ ਨੂੰ ਨਿਯੰਤ੍ਰਿਤ ਕਰਨ ਸਮੇਤ ਕੁੱਲ ਚਾਰ ਸਿਫ਼ਾਰਸ਼ਾਂ ਦਿੱਤੀਆਂ ਗਈਆਂ ਹਨ ਜੋ ਕਿ ਕਬੂਲ ਕਰ ਲਈਆਂ ਗਈਆਂ ਹਨ।
