ਪੀਅਰ ਪੌਲੀਐਵ ਨੇ ਕੈਨੇਡਾ ਵਿਚ ਵੱਧ ਰਹੀ ਫੈਂਟਾਨਾਇਲ ਡਰੱਗ ਨੂੰ ਲੈ ਕੇ ਟਰੂਡੋ ’ਤੇ ਸਾਧਿਆ ਨਿਸ਼ਾਨਾ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਕੈਨੇਡਾ ਵਿਚ ਵੱਧ ਰਹੀ ਫੈਂਟਾਨਾਇਲ ਡਰੱਗ ਨੂੰ ਲੈ ਕੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਹਮਲਾ ਬੋਲਿਆ ਹੈ ਅਤੇ ਇਸ ਵਜ੍ਹਾ ਨਾਲ ਅਮਰੀਕਾ ਨਾਲ ਖਰਾਬ ਹੋ ਰਹੇ ਵਪਾਰਕ ਰਿਸ਼ਤਿਆਂ ਲਈ ਉਨ੍ਹਾਂ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।

ਹਾਊਸ ਆਫ ਕੌਮਨਜ਼ ਵਿਚ ਪੌਲੀਐਵ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਬੀਸੀ ਐੱਨਡੀਪੀ ਨਾਲ ਮਿਲ ਕੇ ਹਾਰਡ ਡਰੱਗਜ਼ ਨੂੰ ਅਪਰਾਧ ਮੁਕਤ ਕੀਤਾ ਅਤੇ ਫੈਂਟਾਨਾਇਲ ਬਣਾਉਣ ਵਾਲੇ ਅਪਰਾਧੀਆਂ ਲਈ ਜੇਲ੍ਹ ਦੀ ਸਜ਼ਾ ਘਟਾਈ।

ਪੌਲੀਐਵ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਕੈਨੇਡੀਅਨ ਦੀ ਜ਼ਿੰਦਗੀ ਅਤੇ ਨੌਕਰੀਆਂ ਬਚਾਉਣ ਲਈ ਡਰੱਗ ਅਪਰਾਧੀਕਰਨ ਨੂੰ ਵਾਪਸ ਲੈਣ ਦੀ ਮੰਗ ਕੀਤੀ।

ਗੌਰਤਲਬ ਹੈ ਕਿ 20 ਜਨਵਰੀ ਨੂੰ ਅਹੁਦਾ ਸੰਭਾਲਣ ਵਾਲੇ ਟਰੰਪ ਨੇ ਕੈਨੇਡਾ ਅਤੇ ਮੈਕਸੀਕੋ ਨੂੰ ਧਮਕੀ ਦਿੱਤੀ ਹੈ ਕਿ ਜਦੋਂ ਤੱਕ ਉਹ ਡਰੱਗ ਖਾਸ ਤੌਰ ’ਤੇ ਫੈਂਟਾਨਾਇਲ ਦੀ ਸਰਹੱਦ ਪਾਰ ਤਸਕਰੀ ’ਤੇ ਨਕੇਲ ਨਹੀਂ ਲਗਾਉਂਦੇ ਉਦੋਂ ਤੱਕ ਉਨ੍ਹਾਂ ਦੇ ਅਮਰੀਕਾ ਆਉਣ ਵਾਲੇ ਹਰ ਮਾਲ ’ਤੇ 25 ਫੀਸਦੀ ਟੈਰਿਫ ਚਾਰਜ ਕੀਤਾ ਜਾਵੇਗਾ।