ਜੇਕਰ ਜਿੱਤੇ ਤਾਂ ਵਪਾਰ ਨੂੰ ਕਰਾਂਗੇ ਸੌਖਾ : ਵਿਰੋਧੀ ਧਿਰ ਦੇ ਲੀਡਰ ਪੌਲੀਐਵ

ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਦੇ ਲੀਡਰ ਪੀਅਰ ਪੌਲੀਐਵ ਨੇ ਟਰੰਪ ਦੀਆਂ ਟੈਰਿਫ ਧਮਕੀਆਂ ਵਿਚਕਾਰ ਐਲਾਨ ਕੀਤਾ ਹੈ ਕਿ ਜੇ ਉਨ੍ਹਾਂ ਦੀ ਸਰਕਾਰ ਬਣੀ ਤਾਂ ਉਹ ਕੈਨੇਡੀਅਨਾਂ ਲਈ ਕੈਨੇਡੀਅਨਾਂ ਨਾਲ ਵਪਾਰ ਕਰਨਾ ਵਧੇਰੇ ਆਸਾਨ ਬਣਾਉਣਗੇ ਅਤੇ ਵਪਾਰਕ ਰੁਕਾਵਟਾਂ ਨੂੰ ਖ਼ਤਮ ਕਰਨ ਵਾਲੇ ਸੂਬਿਆਂ ਨੂੰ ਇਨਾਮ ਦੇਣਗੇ।

ਪੌਲੀਐਵ ਨੇ ਆਪਣੀ ਪਾਰਟੀ ਦਾ ਕੈਨੇਡਾ ਫਸਟ ਪਲੈਨ ਜਾਰੀ ਕੀਤਾ ਹੈ, ਜਿਸ ਵਿਚ ਉਨ੍ਹਾਂ ਕਿਹਾ ਹੈ ਕਿ ਉਨ੍ਹਾਂ ਦੀ ਕਾਮਨ ਸੈਨਸ ਕੰਜ਼ਰਵੇਟਿਵ ਸਰਕਾਰ ਡਾਲਰ ਦੇ ਬਦਲੇ ਡਾਲਰ ਟੈਰਿਫ ਨਾਲ ਜਵਾਬੀ ਕਾਰਵਾਈ ਕਰੇਗੀ ਪਰ ਉਨ੍ਹਾਂ ਅਮਰੀਕੀ ਸਾਮਾਨ ਨੂੰ ਟਾਰਗੇਟ ਕੀਤਾ ਜਾਵੇਗਾ ਜਿਨ੍ਹਾਂ ਨੂੰ ਅਸੀਂ ਖੁਦ ਬਣਾ ਸਕਦੇ ਹਾਂ ਜਾਂ ਕਿਤੋਂ ਹੋਰ ਖਰੀਦ ਸਕਦੇ ਹਾਂ ਜਾਂ ਬਿਨਾਂ ਇਸ ਦੇ ਕੰਮ ਚਲਾ ਸਕਦੇ ਹਾਂ।

ਪੌਲੀਐਵ ਨੇ ਕਿਹਾ ਕਿ ਉਦਾਹਰਣ ਲਈ ਅਸੀਂ ਅਮਰੀਕੀ ਸਟੀਲ ਅਤੇ ਐਲੂਮੀਨੀਅਮ ਖਿਲਾਫ ਜਵਾਬੀ ਕਾਰਵਾਈ ਕਰ ਸਕਦੇ ਹਾਂ ਕਿਉਂਕਿ ਇਹ ਉਤਪਾਦ ਅਸੀਂ ਆਪਣੇ ਦੇਸ਼ ਵਿਚ ਹੀ ਬਣਾ ਸਕਦੇ ਹਾਂ। ਉਨ੍ਹਾਂ ਕਿਹਾ ਕਿ ਟੈਰਿਫ ਤੋਂ ਹੋਣ ਵਾਲੇ ਰੈਵੇਨਿਊ ਨੂੰ ਪ੍ਰਭਾਵਿਤ ਵਰਕਰਜ਼ ਅਤੇ ਕਾਰੋਬਾਰਾਂ ਦੀ ਮਦਦ ਲਈ ਲਗਾਇਆ ਜਾਵੇਗਾ।

ਸਰਕਾਰ ਇਸ ਰੈਵੇਨਿਊ ਦਾ ਇੱਕ ਪੈਸਾ ਵੀ ਨਹੀਂ ਰੱਖੇਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਪਾਈਪਲਾਈਨ ਪ੍ਰੋਜੈਕਟਸ ਨੂੰ ਵੀ ਤੁਰੰਤ ਹਰੀ ਝੰਡੀ ਦਿੱਤੇ ਜਾਣ ਦੀ ਗੱਲ ਆਖੀ ਹੈ।