ਪੀ.ਐਮ. ਕਾਰਨੀ ਨੇ ਡੋਮਿਨਿਕ ਲੈਬਲਾਂਕ ਨੂੰ ਸੌਂਪਿਆ ਇੰਟਰਨਲ ਟਰੇਡ ਮੰਤਰਾਲਾ

ਪੀ.ਐਮ. ਮਾਰਕ ਕਾਰਨੀ ਨੇ ਡੋਮਿਨਿਕ ਲੇਬਲੈਂਕ ਨੂੰ ਇੰਟਰਨਲ ਟਰੇਡ ਮੰਤਰਾਲਾ ਦੀ ਵਾਧੂ ਜ਼ਿੰਮੇਵਾਰੀ ਸੌਂਪੀ ਹੈ। ਉਥੇ ਹੀ, ਸਟੀਵ ਮੈਕਕਿਨਨ ਟਰਾਂਸਪੋਰਟ ਮੰਤਰੀ ਬਣਾਏ ਗਏ ਹਨ, ਜੋ ਕਿ ਹਾਊਸ ਔਫ ਕਾਮਨਜ਼ ਵਿਚ ਸਰਕਾਰ ਦੇ ਹਾਊਸ ਲੀਡਰ ਵੀ ਹਨ। ਇਹ ਦੋਵੇਂ ਮਹਿਕਮੇ ਕ੍ਰਿਸਟੀਆ ਫ੍ਰੀਲੈਂਡ ਕੋਲ ਸਨ, ਜਿਨ੍ਹਾਂ ਨੂੰ ਯੂਕਰੇਨ ਲਈ ਵਿਸ਼ੇਸ਼ ਪ੍ਰਤੀਨਿਧ ਨਿਯੁਕਤ ਕੀਤਾ ਗਿਆ ਹੈ।

ਡੋਮਿਨਿਕ ਲੇਬਲੈਂਕ ਹੁਣ ਤੱਕ ਕੈਨੇਡਾ ਲਈ ਕਿੰਗਜ਼ ਪ੍ਰਿਵੀ ਕੌਂਸਲ ਦੇ ਪ੍ਰਧਾਨ ਅਤੇ ਕੈਨੇਡਾ-ਅਮਰੀਕਾ ਵਪਾਰ ਤੇ Intergovernmental Affairs ਮਿਨਿਸਟਰ ਦੇ ਰੂਪ ਵਿਚ ਜ਼ਿੰਮੇਵਾਰੀ ਸੰਭਾਲ ਰਹੇ ਸਨ ਜੋ ਹੁਣ ਇੰਟਰਨਲ ਟਰੇਡ ਮੰਤਰੀ ਵਜੋਂ ਵੀ ਕੰਮ ਕਰਨਗੇ। ਗੌਰਤਲਬ ਹੈ ਕਿ ਯੂਕਰੇਨ ਦੇ ਪੁਨਰਗਠਨ ਲਈ ਵਿਸ਼ੇਸ਼ ਪ੍ਰਤੀਨਿਧੀ ਦੇ ਰੂਪ ਵਿਚ ਨਿਯੁਕਤ ਫ੍ਰੀਲੈਂਡ ਦਾ ਯੂਕਰੇਨ ਨਾਲ ਗਹਿਰਾ ਸਬੰਧ ਹੈ, ਉਨ੍ਹਾਂ ਦੀ ਮਾਂ ਯੂਕਰੇਨੀਅਨ-ਕੈਨੇਡੀਅਨ ਸਨ।

ਫ੍ਰੀਲੈਂਡ ਨੇ ਕੀਵ ਅਤੇ ਮਾਸਕੋ ਵਿਚ ਪੱਤਰਕਾਰ ਵਜੋਂ ਵੀ ਕੰਮ ਕੀਤਾ ਹੈ, ਜਿਸ ਤੋਂ ਬਾਅਦ ਉਹ ਕੈਨੇਡਾ ਵਿਚ ਵਾਪਸ ਆ ਗਏ ਸਨ ਅਤੇ 1990 ਦੇ ਦਹਾਕੇ ਦੇ ਅਖੀਰ ਵਿਚ ਸੰਪਾਦਕ ਵਜੋਂ ਕੰਮ ਕੀਤਾ। ਪੰਜ ਵਾਰ ਦੀ ਐਮ.ਪੀ. ਫ੍ਰੀਲੈਂਡ ਪਹਿਲੀ ਵਾਰ 2013 ਵਿਚ ਹਾਊਸ ਔਫ ਕਾਮਨਜ਼ ਲਈ ਚੁਣੇ ਗਏ ਸਨ।