15.14C Vancouver 15.14C VancouverJul 27, 2020 10:25 PM -
ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਸੋਮਵਾਰ ਨੂੰ ਨਵੀਂ ਕੋਵਿਡ-19 ਟੈਸਟਿੰਗ ਸੁਵਿਧਾਵਾਂ ਨੂੰ ਲਾਂਚ ਕੀਤਾ ਹੈ।
ਇਸ ਨੂੰ 'ਹਾਈ ਥਰੂਪੁੱਟ ਕੋਵਿਡ-19 ਟੈਸਟਿੰਗ ਫੈਸਿਲਿਟੀ' ਦੱਸਿਆ ਗਿਆ ਹੈ।
ਇਨ੍ਹਾਂ ਸੁਵਿਧਾਵਾਂ ਦੀ ਲਾਂਚ ਮੁੱਖ ਤੌਰ 'ਤੇ 3 ਸ਼ਹਿਰਾਂ 'ਚ ਹੋਈ ਹੈ, ਜਿਸ ਦੇ ਵਿੱਚ ਦਿੱਲੀ, ਮੁੰਬਈ ਅਤੇ ਕੋਲਕਾਤਾ ਜਿਹੇ ਸ਼ਹਿਸ ਸ਼ਾਮਿਲ ਹਨ।
ਇਹ ਲਾਂਚਿੰਗ ਇੱਕ ਵੀਡੀਓ ਕਾਨਫਰੰਸਿੰਗ ਆਸਰੇ ਕੀਤੀ ਗਈ।
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, "ਦਿੱਲੀ, ਮੁੰਬਈ ਅਤੇ ਕੋਲਕਾਤਾ 'ਚ 10,000 ਦੀ ਟੈਸਟਸ ਦੀ ਗਿਣਤੀ ਵਿੱਚ ਵਾਧਾ ਕੀਤਾ ਜਾਵੇਗਾ।
ਇਨ੍ਹਾਂ ਸ਼ਹਿਰਾਂ 'ਚ ਵਾਇਰਸ ਸੰਬੰਧੀ ਟੈਸਟ ਵਧੇਰੇ ਤੇਜ਼ੀ ਨਾਲ ਅਤੇ ਵਧੇਰੀ ਗਿਣਤੀ 'ਚ ਕੀਤੇ ਜਾ ਸਕਣਗੇ।"
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਇਨ੍ਹਾਂ ਲੈਬਜ਼ 'ਚ ਟੈਸਟਿੰਗ ਨੂੰ ਸਿਰਫ਼ ਕੋਵਿਡ-19 ਤੱਕ ਹੀ ਸੀਮਤ ਨਹੀਂ ਰੱਖਿਆ ਜਾਵੇਗਾ, ਬਲਕਿ ਇਨ੍ਹਾਂ ਨੂੰ ਹੈਪੀਟਾਈਟਸ ਬੀ ਅਤੇ ਸੀ, ਐਚ.ਆਈ.ਵੀ. ਅਤੇ ਡੇਂਗੂ ਲਈ ਵੀ ਵਰਤਿਆ ਜਾਵੇਗਾ।
ਭਾਰਤ 'ਚ ਇੱਕੋ ਦਿਨ 'ਚ ਰਿਪੋਰਟ ਹੋਏ 49,931 ਮਾਮਲੇ
ਭਾਰਤ ਵਿੱਚ ਕਰੋਨਾ ਵਾਇਰਸ ਲਗਾਤਾਰ ਗੰਭੀਰ ਰੂਪ ਧਾਰਦਾ ਜਾ ਰਿਹਾ ਹੈ।
ਸੋਮਵਾਰ ਨੂੰ ਇੱਕੋ ਦਿਨ 'ਚ ਰਿਕਾਰਡ 49,931 ਨਵੇਂ ਕੇਸ ਸਾਹਮਣੇ ਆਏ ਹਨ।
ਇਸ ਵੇਲੇ ਕਰੋਨਾ ਪੀੜਤਾਂ ਦੀ ਗਿਣਤੀ ਵਧ ਕੇ 14 ਲੱਖ ਦੇ ਪਾਰ ਹੋ ਗਈ ਹੈ।
ਜਦੋਂਕਿ ਹੁਣ ਤਕ 9 ਲੱਖ ਤੋਂ ਵੱਧ ਮਰੀਜ਼ ਠੀਕ ਹੋ ਚੁੱਕੇ ਹਨ।
ਕੇਂਦਰੀ ਸਿਹਤ ਮੰਤਰਾਲੇ ਵੱਲੋਂ ਜਾਰੀ ਕੀਤੇ ਅੰਕੜਿਆਂ ਅਨੁਸਾਰ ਇੱਕ ਦਿਨ ਵਿੱਚ ਹੀ 708 ਵਿਅਕਤੀਆਂ ਦੀ ਮੌਤ ਵੀ ਹੋਈ ਹੈ, ਜਿਸ ਨਾਲ ਮ੍ਰਿਤਕਾਂ ਦੀ ਗਿਣਤੀ 32,771 ਹੋ ਗਈ ਹੈ।
ਹਾਲ ਦੀ ਘੜੀ ਭਾਰਤ ਵਿੱਚ ਐਕਟਿਵ ਕੇਸਾਂ ਦੀ ਗਿਣਤੀ 5 ਲੱਖ ਦੇ ਕਰੀਬ ਹੈ।
