14.32C Vancouver 14.32C VancouverJul 9, 2021 12:16 PM -
ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਅੱਜ ਸ਼ੁੱਕਰਵਾਰ ਨੂੰ ਸਵ. ਬਲਜੀਤ ਕੌਰ ਤੁਲਸੀ ਵੱਲੋਂ ਲਿਖੀ 'ਗੁਰੂ ਗੋਬਿੰਦ ਸਿੰਘ ਜੀ ਦੀ ਰਾਮਾਇਣ' ਕਿਤਾਬ ਦੀ ਪਹਿਲੀ ਕਾਪੀ ਭੇਟ ਕੀਤੀ ਗਈ।
ਰਾਜ ਸਭਾ ਦੇ ਐੱਮਪੀ ਕੇਟੀਐੱਸ ਤੁਲਸੀ ਨੇ ਆਪਣੀ ਧੀ ਜਪਨਾ ਤੁਲਸੀ ਅਤੇ ਪੋਤੀ ਮੁਕਤੀ ਤੁਲਸੀ ਦੇ ਨਾਲ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਇਹ ਕਿਤਾਬ ਭੇਟ ਕੀਤੀ।
ਇਸ ਮੌਕੇ ਭਾਰਤੀ ਸ਼ਾਸਤਰੀ ਨ੍ਰਤਿਕਾ, ਐੱਮਪੀ ਸੋਨਲ ਮਾਨਸਿੰਘ ਵੀ ਮੌਜੂਦ ਸਨ
ਪੀਐੱਮ ਮੋਦੀ ਨੇ ਟਵਿੱਟਰ 'ਤੇ ਆਖਿਆ ਕਿ ਇਹ ਕਿਤਾਬ ਇੰਦਰ ਗਾਂਧੀ ਨੈਸ਼ਨਲ ਸੈਂਟਰ ਫਾਰ ਦ ਆਰਟਸ (ਆਈਜੀਐੱਨਸੀਏ) ਨੇ ਛਾਪੀ ਹੈ।
ਪੀਐੱਮ ਮੋਦੀ ਨੇ ਟਵੀਟ ਕੀਤਾ,"ਸਵ. ਬਲਜੀਤ ਕੌਰ ਤੁਲਸੀ ਵੱਲੋਂ ਲਿਖੀ 'ਗੁਰੂ ਗੋਬਿੰਦ ਸਿੰਘ ਜੀ ਦੀ ਰਾਮਾਇਣ' ਕਿਤਾਬ ਦੀ ਪਹਿਲੀ ਕਾਪੀ ਮੈਨੂੰ ਮਿਲੀ ਹੈ, ਜੋ ਮਸ਼ਹੂਰ ਵਕੀਲ ਸ਼੍ਰੀ ਕੇਟੀਐੱਸ ਤੁਲਸੀ ਜੀ ਦੀ ਮਾਤਾ ਜੀ ਸਨ। ਕਿਤਾਬ ਇੰਦਰ ਗਾਂਧੀ ਨੈਸ਼ਨਲ ਸੈਂਟਰ ਫਾਰ ਦ ਆਰਟਸ (ਆਈਜੀਐੱਨਸੀਏ) ਨੇ ਛਾਪੀ ਹੈ।"
ਪੀਐੱਮ ਮੋਦੀ ਵੱਲੋਂ ਕੇਟੀਐੱਸ ਤੁਲਸੀ ਵੱਲੋਂ ਗਾਈ ਗੁਰਬਾਣੀ ਦੀ ਆਡੀਓ ਵੀ ਸਾਂਝੀ ਕੀਤੀ ਗਈ।
"ਗੱਲਬਾਤ ਦੌਰਾਨ ਵਿਦਵਾਨ ਸ਼੍ਰੀ ਕੇਟੀਐੱਸ ਤੁਲਸੀ ਜੀ ਨੇ ਸਿੱਖੀ ਸਿਧਾਂਤਾਂ ਦੀ ਗੱਲ ਕੀਤੀ ਅਤੇ ਗੁਰਬਾਣੀ ਸ਼ਬਦ ਵੀ ਗਾਇਨ ਕੀਤਾ। ਮੈਂ ਉਨ੍ਹਾਂ ਦੇ ਇਸ ਭਾਵ ਤੋਂ ਪ੍ਰਭਾਵਿਤ ਹੋਇਆ ਹਾਂ,"ਪ੍ਰਧਾਨ ਮੰਤਰੀ ਨੇ ਆਖਿਆ।
ਦੱਸਣਯੋਗ ਹੈ ਕਿ ਗੁਰੂ ਗੋਬਿੰਦ ਸਿੰਘ ਜੀ ਮਨੁੱਖੀ ਰੂਪ ਵਿੱਚ ਦਸਵੇਂ ਗੁਰੂ ਸਨ, ਜਿਹਨਾਂ ਦਾ ਜਨਮ ਬਿਹਾਰ ਦੇ ਪਟਨਾ ਸਾਹਿਬ ਵਿਖੇ,ਗੋਬਿੰਦ ਰਾਏ ਦੇ ਤੌਰ 'ਤੇ ਹੋਇਆ ਸੀ।
ਨੌਂ ਸਾਲਾਂ ਦੀ ਉਮਰ ਵਿੱਚ ਉਨ੍ਹਾਂ ਨੂੰ ਨੌਵੇਂ ਗੁਰੂ, ਗੁਰੂ ਤੇਗ਼ ਬਹਾਦਰ ਜੀ ਦੇ ਸ਼ਹਾਦਤ ਤੋਂ ਬਾਅਦ 'ਗੁਰ ਗੱਦੀ' ਮਿਲੀ ਸੀ।
