20.35C Vancouver 20.35C VancouverApr 29, 2020 12:28 AM -
ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਮੰਗਲਵਾਰ ਨੂੰ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਨਾਲ ਗੱਲਬਾਤ ਕੀਤੀ।
ਮੋਦੀ ਨੇ ਗੱਲਬਾਤ ਦੌਰਾਨ ਟਰੂਡੋ ਦਾ ਧੰਨਵਾਦ ਕੀਤਾ।
ਮੋਦੀ ਨੇ ਟਰੂਡੋ ਨੂੰ ਕਿਹਾ ਕਿ ਓਹ ਧੰਨਵਾਦੀ ਹਨ ਕਿ ਕੈਨੇਡਾ ਸਰਕਾਰ ਨੇ ਇਸ ਪੈਂਡੇਮਿਕ ਦੌਰਾਨ ਕੈਨੇਡਾ 'ਚ ਰਹਿੰਦੇ ਭਾਰਤੀਆਂ ਦਾ ਧਿਆਨ ਰਖਿਆ ਹੈ।
ਮੋਦੀ ਨੇ ਇੱਕ ਟਵੀਟ 'ਚ ਲਿਖਿਆ ਕਿ, "ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨਾਲ ਨਿੱਘੀ ਗੱਲਬਾਤ ਹੋਈ ਹੈ।
ਇਸ ਮੁਸ਼ਕਿਲ ਸਮੇਂ ਵਿੱਚ ਕੈਨੇਡਾ 'ਚ ਰਹਿ ਰਹੇ ਭਾਰਤੀ ਨਾਗਰਿਕਾਂ ਦਾ ਧਿਆਨ ਰੱਖਣ ਲਈ ਧੰਨਵਾਦ ਕੀਤਾ ਹੈ।
ਭਾਰਤ ਅਤੇ ਕੈਨੇਡਾ ਵਿਚਾਲੇ ਸਹਿਯੋਗ ਅਤੇ ਭਾਈਵਾਲੀ ਬੇਹਦ ਜਰੂਰੀ ਹੈ, ਜਿਸਦੇ ਨਾਲ ਕਿ ਪੈਂਡੇਮਿਕ ਨਾਲ ਨਜਿੱਠਿਆ ਜਾ ਸਕੇ ਅਤੇ ਇਸਦੇ ਵਿਚ ਮੈਡੀਕਲ ਰਿਸਰਚ ਅਤੇ ਸਪਲਾਈ ਚੇਨ ਮੈਨੇਜਮੈਂਟ ਜਾਰੀ ਰੱਖਣਾ ਵੀ ਜਰੂਰੀ ਹੈ।"
ਬੀਤੇ 24 ਘੰਟੇ 'ਚ ਭਾਰਤ 'ਚ ਕੋਵਿਡ-19 ਦੇ 1,543 ਹੋਰ ਮਾਮਲੇ ਉਜਾਗਰ ਹੋਏ ਦੱਸੇ ਗਏ ਹਨ।
ਇਸਦੇ ਨਾਲ ਭਾਰਤ 'ਚ ਵਾਇਰਸ ਸੰਬੰਧੀ ਮਾਮਲਿਆਂ ਦੀ ਗਿਣਤੀ 29,435 ਹੋ ਗਈ ਹੈ।
ਭਾਰਤ 'ਚ ਵਾਇਰਸ ਸੰਬੰਧੀ ਮੌਤਾਂ ਦੇ ਮਾਮਲੇ 934 ਤਕ ਪਹੁੰਚ ਗਏ ਹਨ।
