7.69C Vancouver 7.69C VancouverMar 20, 2020 8:35 PM -
ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਪਸ਼ਟ ਕੀਤਾ ਹੈ ਕਿ, ਕੈਨੇਡਾ ਅਤੇ ਅਮਰੀਕਾ, ਇੱਕ ਕਰਾਰ 'ਤੇ ਪਹੁੰਚੇ ਹਨ, ਜਿਸ ਅਨੁਸਾਰ, ਜਿਹੜੇ ਵੀ ਮਾਈਗ੍ਰੈਂਟ ਬਾਰਡਰ 'ਤੇ ਪਹੁੰਚਦੇ ਹਨ, ਅਤੇ ਕਿਸੇ ਵੀ ਬਾਰਡਰ 'ਤੇ ਗੈਰ ਕਨੂੰਨੀ ਤਰੀਕੇ ਨਾਲ ਟੱਪਣ ਦੀ ਕੋਸ਼ਿਸ਼ ਕਰਦੇ ਹਨ, ਉਨ੍ਹਾਂ ਨੂੰ ਵਾਪਿਸ ਭੇਜਿਆ ਜਾਵੇਗਾ।
ਟਰੂਡੋ ਨੇ ਇਸਨੂੰ ਇੱਕ ਅਹਿਮ ਕਦਮ ਦੱਸਿਆ, ਜਿਸਦੇ ਨਾਲ ਕਿ ਕਨੇਡੀਅਨਸ ਨੂੰ ਕੋਰੋਨਾ ਵਾਇਰਸ ਦੇ ਪੈਂਡੇਮਿਕ ਨਾਲ ਨਜਿੱਠਣ 'ਚ ਮਦਦ ਮਿਲੇਗੀ।
ਉਨ੍ਹਾਂ ਕਿਹਾ ਕਿ ਇਸਦੇ ਨਾਲ ਬਾਰਡਰ 'ਤੇ ਸਕਰੀਨਿੰਗ ਸੰਬੰਧੀ ਮੁਸ਼ਕਿਲਾਂ 'ਚ ਵੀ ਰਾਹਤ ਮਿਲੇਗੀ।
ਸਾਲ 2017 ਤੋਂ ਹੁਣ ਤਕ ਹਜਾਰਾਂ ਦੀ ਗਿਣਤੀ 'ਚ ਮਾਈਗ੍ਰੈਂਟ ਕੈਨੇਡਾ ਆਏ ਹਨ।
ਯਾਦ ਰਹੇ ਟਰੂਡੋ ਨੇ ਯਾਦ ਦਵਾਇਆ ਹੈ ਕਿ ਸ਼ੁੱਕਰਵਾਰ ਤੋਂ ਕੈਨੇਡਾ ਅਤੇ ਅਮਰੀਕਾ ਵਿਚਾਲੇ, ਕਿਸੇ ਵੀ ਗੈਰ ਜਰੂਰੀ ਯਾਤਰਾ ਕਰਨ ਵਾਲਿਆਂ ਨੂੰ ਬਾਰਡਰ ਪਾਰ ਕਰਨ ਦੀ ਇਜਾਜਤ ਨਹੀਂ ਹੋਵੇਗੀ।
ਦੋਨੇ ਦੇਸ਼ਾਂ ਦੇ ਇਸ ਸਾਂਝੇ ਫੈਸਲੇ ਬਾਰੇ ਕੱਲ ਹੀ ਐਲਾਨ ਕਰ ਦਿੱਤਾ ਗਿਆ ਸੀ।
