17.52C Vancouver 17.52C VancouverNov 6, 2020 8:32 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਅਮਰੀਕੀ ਲੋਕਾਂ ਅਤੇ ਉਨ੍ਹਾਂ ਦੇ ਲੋਕਤੰਤਰੀ ਢਾਂਚੇ 'ਤੇ ਭਰੋਸਾ ਹੈ।
ਪਰ ਟਰੂਡੋ ਨੇ ਸਿੱਧੇ ਤੌਰ 'ਤੇ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦੀਆਂ ਉਨ੍ਹਾਂ ਟਿੱਪਣੀਆਂ 'ਤੇ ਗੱਲ ਨਹੀਂ ਕੀਤੀ, ਜਿਸ 'ਚ ਟ੍ਰੰਪ ਨੇ ਬਿਨਾ ਕਿਸੇ ਸਬੂਤ, ਅਮਰੀਕਾ 'ਚ ਬੈਲੇਟਸ ਦੀ ਗਿਣਤੀ ਸੰਬੰਧੀ ਭ੍ਰਿਸ਼ਟਾਚਾਰ ਦੇ ਇਲਜ਼ਾਮ ਲਗਾਏ ਹਨ।
ਟਰੂਡੋ ਨੇ ਕਿਹਾ ਕਿ ਇਹ ਵਿਦੇਸ਼ੀ ਮੁਲਕਾਂ ਦਾ ਮਾਮਲਾ ਨਹੀਂ ਹੈ ਕਿ ਅਮਰੀਕਾ ਦੀ ਇਲੈਕਟੋਰਲ ਪ੍ਰੀਕਿਰਿਆ 'ਤੇ ਸਵਾਲ ਚੁੱਕੇ ਜਾਣ।
ਡੈਮੋਕ੍ਰੈਟ ਜੋ ਬਾਈਡਨ ਨੇ ਪੈਨਸਿਲਵੇਨੀਆ 'ਚ ਲੀਡ ਹਾਸਿਲ ਕਰ ਲਈ ਹੈ।
ਟ੍ਰੰਪ ਲਈ ਰਾਸ਼ਟਰਪਤੀ ਦੌੜ 'ਚ ਬਣੇ ਰਹਿਣ ਲਈ ਇਸ ਸੂਬੇ 'ਚ ਜਿੱਤ ਹਾਸਿਲ ਕਰਨੀ ਜ਼ਰੂਰੀ ਹੈ।
ਹਾਲ ਦੀ ਘੜੀ ਬਾਈਡਨ ਨੂੰ ਕਈ ਸੂਬਿਆਂ 'ਚ ਇੰਨੀ ਕੁ ਲੀਡ ਹਾਸਿਲ ਹੋ ਚੁੱਕੀ ਹੈ, ਜੋ ਉਨ੍ਹਾਂ ਨੂੰ 270 ਦੇ ਜੇਤੂ ਅੰਕੜੇ ਤੋਂ ਪਾਰ ਕਰਵਾਉਣ ਲਈ ਕਾਫੀ ਜਾਪ ਰਹੀ ਹੈ।
ਯਾਦ ਰਹੇ ਟ੍ਰੰਪ ਦੀ ਲੀਗਲ ਟੀਮ ਨੇ ਕਈ ਨੇੜਲੇ ਮੁਕਾਬਲਿਆਂ ਵਾਲੇ ਸੂਬਿਆਂ 'ਚ ਕਨੂੰਨੀ ਚੁਣੌਤੀਆਂ ਪੇਸ਼ ਕੀਤੀਆਂ ਹਨ।
