ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣਾ ਨੈਸ਼ਨਲ ਸਕਿਓਰਿਟੀ ਐਡਵਾਈਜ਼ਰ ਚੁਣਿਆ

ਕਾਫੀ ਲੰਬੇ ਸਮੇਂ ਤੋਂ ਇਕ ਪਬਲਿਕ ਸਰਵੈਂਟ (public servant) ਵਜੋਂ ਕੰਮ ਕਰਦੇ ਆ ਰਹੇ ਅਤੇ ਡਿਫੈਂਸ (defense ) ਤੋਂ ਲੈਕੇ ਫੌਰਨ ਅਫੇਅਰਜ਼ (foreign affairs) ਦੀਆਂ ਜ਼ਿੰਮੇਵਾਰੀਆਂ ਸੰਭਾਲ ਚੁੱਕੇ ਵਿਨਸੈਂਟ ਰਿਗਬੀ (Vincent Rigby) ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ (Justin Trudeau) ਨੇ ਆਪਣਾ ਨਵਾਂ ਨੈਸ਼ਨਲ ਸਕਿਓਰਿਟੀ ਐਡਵਾਈਜ਼ਰ (National Security Adviser) ਚੁਣ ਲਿਆ ਹੈ।

ਰਿਗਬੀ ਟਰੂਡੋ ਦੀ ਸਾਬਕਾ ਨੈਸ਼ਨਲ ਸਕਿਓਰਿਟੀ ਐਡਵਾਈਜ਼ਰ ਗਰੈਟਾ ਬੌਸਨਮਾਏਰ (Greta Bossenmaier) ਦੀ ਜਗ੍ਹਾ ਤੇ ਇਹ ਅਹੁਦਾ ਸੰਭਾਲਣਗੇ।

ਬੌਸਨਮਾਏਰ ਨੇ 35 ਸਾਲ ਦੀ ਫੈਡਰਲ ਪਬਲਿਕ ਸਰਵਿਸ ਤੋਂ ਬਾਅਦ ਨਵੰਬਰ ਵਿੱਚ ਆਪਣੀ ਰਿਟਾਇਰਮੈਂਟ ਦਾ ਐਲਾਨ ਕੀਤਾ ਸੀ।

ਨੈਸ਼ਨਲ ਸਕਿਓਰਿਟੀ ਐਡਵਾਈਜ਼ਰ ਚੁਣੇ ਜਾਣ ਤੋਂ ਪਹਿਲਾਂ ਰਗਬੀ ਨੂੰ ਡਿਪਾਰਟਮੈਂਟ ਆਫ ਨੈਸ਼ਨਲ ਡਿਫੈਂਸ (Department of National Defence), ਪਬਲਿਕ ਸੇਫਟੀ ਕੈਨੇਡਾ (Public Safety Canada), ਦ ਪ੍ਰੀਵੀ ਕਾਊਂਸਲ ਆਫਿਸ (The Privy Council Office) ਅਤੇ ਗਲੋਬਲ ਅਫੇਅਰਜ਼ ਕੈਨੇਡਾ (Global Affairs Canada) ਵਿੱਚ ਕੰਮ ਕਰਨ ਦਾ ਤਜਰਬਾ ਹੈ।

ਇਸ ਤੋਂ ਪਹਿਲਾਂ ਉਹ ਜੀ20 ਸਮਿਟ (G20 Summit) ਵਿੱਚ ਪ੍ਰਧਾਨ ਮੰਤਰੀ ਦੀ ਸ਼ਮੂਲੀਅਤ ਨੂੰ ਸਹਿਯੋਗ ਦੇ ਚੁੱਕੇ ਹਨ, ਅਤੇ ਸਯੁੰਕਤ ਰਾਸ਼ਟਰ, ਆਰਕਟਿਕ ਕਾਊਂਸਲ (Arctic Council) ਅਤੇ ਅਫ਼ਗਾਨਿਸਤਾਨ ਮਿਸ਼ਨ ਵਿੱਚ ਵੀ ਸ਼ਾਮਲ ਰਹਿ ਚੁੱਕੇ ਹਨ ।

ਰਿਗਬੀ ਟਰੂਡੋ ਦੇ ਤੀਸਰੇ ਨੈਸ਼ਨਲ ਸਕਿਓਰਿਟੀ ਐਡਵਾਈਜ਼ਰ ਹਨ। ਮਈ 2018 ਵਿੱਚ ਪ੍ਰਧਾਨ ਮੰਤਰੀ ਦੀ ਵਿਵਾਦਗ੍ਰਸਤ ਭਾਰਤ ਫੇਰੀ ਤੋਂ ਬਾਅਦ ਡੈਨੀਅਲ ਜੀਨ (Daniel Jean) ਨੇ ਆਪਣਾ ਅਸਤੀਫ਼ਾ ਦੇ ਦਿੱਤਾ ਸੀ।

ਬੌਸਨਮਾਏਰ ਦੀ ਰਿਟਾਇਰਮੈਂਟ ਤੋਂ ਬਾਅਦ ਟਰੂਡੋ ਦੇ ਡਿਫੈਂਸ ਅਤੇ ਫੌਰਨ ਪਾਲਿਸੀ ਦੇ ਐਡਵਾਈਜ਼ਰ ਡੇਵਿਡ ਮੋਰੀਸਨ (David Morrison) ਨੈਸ਼ਨਲ ਸਕਿਓਰਿਟੀ ਐਡਵਾਈਜ਼ਰ ਦੀ ਜ਼ਿੰਮੇਦਾਰੀ ਦੀ ਵਾਗਡੋਰ ਵੀ ਸੰਭਾਲ ਰਹੇ ਸਨ।