ਪੌਲੀਐਵ ਨੇ ਅਮਰੀਕੀ ਟੈਰਿਫਾਂ ਵਿਰੁੱਧ ਨੀਤੀ ਦਾ ਕੀਤਾ ਐਲਾਨ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਅੱਜ ਬੀ. ਸੀ. ਦੇ ਕੋਕੁਇਟਲਮ ਵਿਚ ਚੋਣ ਕੰਪੇਨ ਦੌਰਾਨ ਐਲਾਨ ਕੀਤਾ ਕਿ ਜੇ ਟਰੰਪ ਨੇ ਕੈਨੇਡਾ 'ਤੇ ਟੈਰਿਫ ਨੂੰ ਵਾਪਸ ਨਾ ਲਿਆ ਤਾਂ ਕੰਜ਼ਰਵੇਟਿਵ ਸਰਕਾਰ ਬਣਨ 'ਤੇ ਕੈਨੇਡਾ ਦੀ ਅਮਰੀਕਾ 'ਤੇ ਨਿਰਭਰਤਾ ਪੂਰੀ ਤਰ੍ਹਾਂ ਖ਼ਤਮ ਕਰ ਦਿੱਤੀ ਜਾਵੇਗੀ ਅਤੇ ਅਮਰੀਕੀ ਆਪਣਾ ਮਹੱਤਵਪੂਰਨ ਵਪਾਰਕ ਭਾਈਵਾਲ ਗੁਆ ਦੇਣਗੇ।

ਉਥੇ ਹੀ, ਪੱਤਰਕਾਰਾਂ ਵਲੋਂ ਇਹ ਪੁੱਛੇ ਜਾਣ 'ਤੇ ਕਿ ਕੰਜ਼ਰਵੇਟਿਵ ਪਾਰਟੀ ਜੋ ਪਹਿਲਾਂ ਲਿਬਰਲਸ ਤੋਂ ਅੱਗੇ ਚੱਲ਼ ਰਹੀ ਹੁਣ ਦੇ ਲਗਭਗ ਸਾਰੇ ਸਰਵਿਆਂ ਵਿਚ ਲਿਬਰਲਸ ਅਤੇ ਮਾਰਕ ਕਾਰਨੀ ਤੋਂ ਪਿੱਛੇ ਹੈ ਤਾਂ ਇਸ ਦੇ ਜਵਾਬ ਵਿਚ ਪੌਲੀਐਵ ਨੇ ਕਿਹਾ ਕਿ ਇਹ ਫੈਸਲਾ ਕੈਨੇਡੀਅਨਾਂ ਨੇ ਕਰਨਾ ਹੈ ਕਿ ਉਨ੍ਹਾਂ ਨੇ ਕੈਨੇਡਾ ਨੂੰ ਰੀਬਿਲਡ ਕਰਨ ਵਾਲੀ, ਟੈਕਸਾਂ ਵਿਚ ਕਟੌਤੀ ਕਰਨ ਵਾਲੀ ਅਤੇ ਘਰਾਂ ਨੂੰ ਸਸਤੇ ਕਰਨ ਵਾਲੀ ਕੰਜ਼ਰਵੇਟਿਵ ਪਾਰਟੀ ਨੂੰ ਚੁਣਨਾ ਹੈ ਜਾਂ ਪਿਛਲੇ ਸਾਲਾਂ ਵਿਚ ਕੈਨੇਡਾ ਨੂੰ ਤਹਿਸ-ਨਹਿਸ ਕਰਨ ਵਾਲੀ ਲਿਬਰਲ ਪਾਰਟੀ ਨੂੰ ਚੁਣਨਾ ਹੈ।