ਪੌਲੀਐਵ ਨੇ ਚੋਣ ਕੰਪੇਨ ਦੌਰਾਨ ਰਾਸ਼ਟਰਪਤੀ ਟਰੰਪ ਅਤੇ ਮਾਰਕ ਕਾਰਨੀ 'ਤੇ ਸਾਧੇ ਨਿਸ਼ਾਨੇ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਅੱਜ ਟੋਰੌਂਟੋ ਵਿਚ ਚੋਣ ਕੰਪੇਨ ਦੌਰਾਨ ਰਾਸ਼ਟਰਪਤੀ ਟਰੰਪ ਅਤੇ ਲਿਬਰਲ ਲੀਡਰ ਮਾਰਕ ਕਾਰਨੀ 'ਤੇ ਨਿਸ਼ਾਨੇ ਸਾਧੇ। ਪੌਲੀਐਵ ਨੇ ਕਾਰਨੀ ਨੂੰ ਕਮਜ਼ੋਰ ਲੀਡਰ ਕਰਾਰ ਦਿੱਤਾ ਅਤੇ ਕਿਹਾ ਕਿ ਜੇ ਕੰਜ਼ਰਵੇਟਿਵ ਦੀ ਸਰਕਾਰ ਬਣੀ ਤਾਂ ਉਹ ਟਰੰਪ ਸਾਹਮਣੇ ਡਟ ਕੇ ਖੜ੍ਹੇ ਹੋਣਗੇ।

ਪੌਲੀਐਵ ਨੇ ਕਿਹਾ ਕਿ ਉਹ ਸਰਹੱਦ 'ਤੇ ਸਖ਼ਤੀ ਲਈ ਅਮਰੀਕਾ ਨਾਲ ਮਿਲ ਕੇ ਕੰਮ ਕਰਨ ਲਈ ਸਹਿਮਤ ਹਨ ਪਰ ਉਹ ਟਰੰਪ ਤੋਂ ਇਹ ਵੀ ਮੰਗ ਕਰਨਗੇ ਕਿ ਅਮਰੀਕਾ ਤੋਂ ਕੈਨੇਡਾ ਵਿਚ ਬੰਦੂਕਾਂ ਦੀ ਹੁੰਦੀ ਤਸਕਰੀ ਵੀ ਰੋਕੀ ਜਾਵੇ।

ਪੌਲੀਐਵ ਨੇ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਦੇ ਰੂਪ ਵਿਚ ਉਹ ਕੈਨੇਡਾ ਦੀ ਅਰਥਵਿਵਸਥਾ ਦਾ ਪੁਨਰਗਠਨ ਕਰਨਗੇ, ਤਾਂ ਜੋ ਕੈਨੇਡਾ ਦੀ ਅਮਰੀਕਾ 'ਤੇ ਨਿਰਭਰਤਾ ਨਾ ਰਹੇ। ਇਸ ਦੇ ਨਾਲ ਹੀ ਉਨ੍ਹਾਂ ਕੰਜ਼ਰਵੇਟਿਵ ਸਰਕਾਰ ਬਣਨ 'ਤੇ ਬੀਅਰ, ਵਾਈਨ ਅਤੇ ਸਪਿਰਿਟ 'ਤੇ ਆਟੋਮੈਟਿਕ ਸਾਲਾਨਾ ਟੈਕਸ ਵਾਧੇ ਨੂੰ ਹਟਾਉਣ ਦੀ ਵੀ ਗੱਲ ਆਖੀ ਹੈ।