13.58C Vancouver 13.58C VancouverJul 11, 2024 7:11 PM - Connect Newsroom
ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਨੇ ਵੀਰਵਾਰ ਨੂੰ ਮਾਂਟਰੀਅਲ ਵਿਚ ਇਕੱਠੇ ਹੋਏ ਕੈਨੇਡਾ ਦੇ ਮੂਲ ਨਿਵਾਸੀਆਂ ਦੀ ਸਾਲਾਨਾ 45ਵੀਂ ਬੈਠਕ ਨੂੰ ਸੰਬੋਧਨ ਵਿਚ ਉਨ੍ਹਾਂ ਦੀ ਲਾਈਫ ਵਿਚ ਫੈਡਰਲ ਸਰਕਾਰ ਦੀ ਦਖ਼ਲ ਘਟਾਉਣ ਅਤੇ ਉਨ੍ਹਾਂ ਦੇ ਵਸੀਲੀਆਂ ’ਤੇ ਉਨ੍ਹਾਂ ਨੂੰ ਵਧੇਰੇ ਆਰਥਿਕ ਕੰਟਰੋਲ ਦੇਣ ਦਾ ਵਾਅਦਾ ਕੀਤਾ।
ਪੋਲੀਵਰੇ ਨੇ ਫਸਟ ਨੇਸ਼ਨਸ ਸ਼ੈਫ ਨੂੰ ਸੰਬੋਧਨ ਵਿਚ ਕਿਹਾ ਕਿ ‘ਮੈਂ ਇੱਥੇ ਤੁਹਾਡੀ ਜ਼ਿੰਦਗੀ ਵਿਚ ਦਖ਼ਲ ਦੇਣ ਨਹੀਂ ਆਇਆ ਅਤੇ ਨਾ ਮੈਂ ਕਿਸ ਦੀ ਜ਼ਿੰਦਗੀ ਵਿਚ ਦਖ਼ਲ ਦੇਣਾ ਚਾਹੁੰਦਾ ਹਾਂ, ਉਨ੍ਹਾਂ ਕਿਹਾ ਕਿ ਮੈਂ ਇੱਕ ਛੋਟੀ ਸਰਕਾਰ ਚਲਾਉਣਾ ਚਾਹੁੰਦਾ ਹੈ, ਜਿੱਥੇ ਕੈਨੇਡਾ ਦੇ ਮੂਲ ਨਿਵਾਸੀ ਆਪਣੇ ਫੈਸਲੇ ਖੁਦ ਲੈਣ ਅਤੇ ਆਪਣੇ ਹਿਸਾਬ ਨਾਲ ਜ਼ਿੰਦਗੀ ਚਲਾਉਣ ਲਈ ਸੁਤੰਤਰ ਹੋਣ।’
ਪੋਲੀਵਰੇ ਨੇ ਕਿਹਾ ਕਿ ਔਟਵਾ ਦੇ ਰਾਜਨੇਤਾਵਾਂ ਅਤੇ ਨੌਕਰਸ਼ਾਹਾਂ ਵਲੋਂ ਤੁਹਾਡੇ ਹੱਕ ਖੋਹ ਲਏ ਗਏ, ਕੰਜ਼ਰਵੇਟਿਵਸ ਤੁਹਾਡੀ ਸਪੋਰਟ ਕਰਨਗੇ।
ਗੌਰਤਲਬ ਹੈ ਕਿ ਕੰਜ਼ਰਵੇਟਿਵ ਲੀਡਰ ਵਜੋਂ ਪੀਅਰੇ ਪੋਲੀਵਰੇ ਦੀ ਅਸੈਂਬਲੀ ਆਫ਼ ਫਸਟ ਨੇਸ਼ਨਸ ਦੀ ਸਾਲਾਨਾ ਬੈਠਕ ਵਿਚ ਇਹ ਪਹਿਲੀ ਨਿੱਜੀ ਤੌਰ ’ਤੇ ਹਾਜ਼ਰੀ ਸੀ।
ਇਸ ਤੋਂ ਪਹਿਲਾਂ ਦਸੰਬਰ 2022 ਵਿਚ ਉਨ੍ਹਾਂ ਨੇ ਵੀਡੀਓ ਸੰਦੇਸ਼ ਰਾਹੀਂ ਅਸੈਂਬਲੀ ਨੂੰ ਸੰਬੋਧਿਤ ਕੀਤਾ ਸੀ।
ਦੱਸ ਦੇਈਏ ਕਿ ਕੰਜ਼ਰਵੇਟਿਵ ਪਾਰਟੀ ਵਿਚ ਇਹ ਵੱਡਾ ਬਦਲਾਅ ਹੈ ਕਿਉਂਕਿ ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਨੇ 11 ਸਾਲ ਪਾਰਟੀ ਦੇ ਲੀਡਰ ਰਹਿੰਦੇ ਫਸਟ ਨੇਸ਼ਨਸ ਸ਼ੈਫ ਲਈ ਕਦੇ ਸਪੀਚ ਡਿਲਿਵਰ ਨਹੀਂ ਕੀਤੀ ਸੀ।
