ਪੌਲੀਐਵ ਨੇ ਫੈਡਰਲ ਡਰੱਗ ਕਾਨੂੰਨ ਵਿਚ ਬਦਲਾਅ ਕਰਨ ਦਾ ਲਿਆ ਸੰਕਲਪ

ਕੰਜ਼ਰਵੇਟਿਵ ਲੀਡਰ ਪੀਅਰ ਪੌਲੀਐਵ ਨੇ ਉਨ੍ਹਾਂ ਦੀ ਸਰਕਾਰ ਬਣਨ 'ਤੇ ਕੈਨੇਡਾ ਭਰ ਵਿਚ ਸੁਪਰਵਾਈਸਡ ਡਰੱਗ ਕੰਸਪਸ਼ਨ ਸਾਈਟਾਂ ਖੋਲ੍ਹਣ ਤੋਂ ਰੋਕਣ ਲਈ ਫੈਡਰਲ ਡਰੱਗ ਕਾਨੂੰਨ ਵਿਚ ਪਰਿਵਰਤਨ ਦੀ ਕਰਨ ਦੀ ਗੱਲ ਆਖੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਉਨ੍ਹਾਂ ਨੌਕਰਸ਼ਾਹਾਂ ਦੀ ਛੁੱਟੀ ਕਰ ਦੇਣਗੇ ਜੋ ਜ਼ਹਿਰੀਲੀਆਂ ਦਵਾਈਆਂ ਦੇ ਬਦਲੇ ਹੋਰ ਨਸ਼ੇ ਦਾ ਸੁਝਾਅ ਦੇਣ ਦਾ ਸਮਰਥਨ ਕਰਦੇ ਹਨ।

ਪੌਲੀਐਵ ਨੇ ਇਹ ਘੋਸ਼ਣਾ ਬੀਤੇ ਕੱਲ੍ਹ ਬੀ.ਸੀ. ਦੇ ਸ਼ਹਿਰ ਨਿਊ ਵੈਸਟਮਿੰਸਟਰ ਵਿਚ ਚੋਣ ਕੰਪੇਨ ਦੌਰਾਨ ਕੀਤੀ, ਉਨ੍ਹਾਂ ਕਿਹਾ ਕਿ ਉਹ ਨਿਰੀਖਣ ਕੀਤੀਆਂ ਖਪਤ ਵਾਲੀਆਂ ਸਾਈਟਾਂ 'ਤੇ ਖ਼ਰਚ ਕੀਤੇ ਜਾਣ ਵਾਲੇ ਪੈਸੇ ਦਾ ਇਸਤੇਮਾਲ ਨਵੇਂ ਨਸ਼ੇ ਦੇ ਇਲਾਜ ਸੈਂਟਰ ਸਥਾਪਿਤ ਕਰਨ ਲਈ ਕਰਨਗੇ।

ਉਥੇ ਹੀ, ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਹੈਲੀਫੈਕਸ ਦੌਰੇ ਦੌਰਾਨ ਘੋਸ਼ਣਾ ਕੀਤੀ ਉਨ੍ਹਾਂ ਦੀ ਸਰਕਾਰ ਹਾਊਸਿੰਗ ਕਿਰਾਇਆਂ ਨੂੰ ਕਾਬੂ ਕਰਨ ਦੇ ਇਰਾਦੇ ਨਾਲ ਸਿਰਫ਼ ਉਨ੍ਹਾਂ ਸ਼ਹਿਰਾਂ ਅਤੇ ਕਸਬੇ ਨੂੰ ਘਰ ਬਣਾਉਣ ਲਈ ਫੈਡਰਲ ਫੰਡਿੰਗ ਦੇਵੇਗੀ ਜਿਨ੍ਹਾਂ ਦਾ ਕਿਰਾਏ 'ਤੇ ਸਖ਼ਤ ਕੰਟਰੋਲ ਹੈ।