15.66C Vancouver 15.66C VancouverAug 24, 2021 10:30 PM -
ਵੈਨਕੂਵਰ ਪੁਲਿਸ ਨੇ ਇੱਕ 36 ਸਾਲਾ ਆਦਮੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਮਾਰਪੋਲ ਇਲਾਕੇ 'ਚ ਵਾਪਰੀਆਂ 2 ਹਮਲੇ ਸੰਬੰਧੀ ਘਟਨਾਵਾਂ ਤੋਂ ਬਾਅਦ ਇਹ ਗ੍ਰਿਫਤਾਰੀ ਹੋਈ ਹੈ।
ਸਾਰਜੈਂਟ ਸਟੀਵ ਐਡੀਸਨ ਨੇ ਦੱਸਿਆ ਕਿ ਬਿਨਾ ਉਕਸਾਏ ਕੀਤੇ ਗਏ ਹਮਲਿਆਂ ਦੀਆਂ ਵਾਰਦਾਤਾਂ 'ਚ ਵਾਧਾ ਹੋਇਆ ਹੈ ਅਤੇ ਇਸ ਮਾਮਲੇ 'ਚ ਗ੍ਰਿਫਤਾਰੀ ਤੋਂ ਬਾਅਦ ਜਾਂਚ ਕੀਤੀ ਜਾ ਰਹੀ ਹੈ ਕਿ ਸ਼ੱਕੀ ਦੇ ਕਿਸੇ ਹੋਰ ਹਮਲੇ ਨਾਲ ਤਾਂ ਤਾਰ ਨਹੀਂ ਜੁੜੇ ਹਨ।
ਉਨ੍ਹਾਂ ਦੱਸਿਆ ਕਿ ਸੋਮਵਾਰ ਦੁਪਹਿਰ ਕਰੀਬ 3 ਵਜੇ ਔਂਟੈਰੀਓ ਸਟ੍ਰੀਟ ਅਤੇ ਸਾਊਥ ਈਸਟ ਮਰੀਨ ਡਰਾਈਵ ਦੇ ਇਲਾਕੇ 'ਚ 2 ਲੋਕਾਂ 'ਤੇ ਹਮਲਾ ਹੋਇਆ ਸੀ।
ਇਸ 'ਚ ਇੱਕ ਦੀ ਉਮਰ 65 ਸਾਲ ਅਤੇ ਦੂਜੇ ਦੀ ਉਮਰ 37 ਸਾਲ ਦੱਸੀ ਗਈ।
ਪੁਲਿਸ ਦਾ ਮੰਨਣਾ ਹੈ ਕਿ ਸ਼ੱਕੀ ਨੇ 37 ਸਾਲਾ ਯੁਵਕ ਤਕ ਪਹੁੰਚ ਕੀਤੀ ਅਤੇ ਉਸ ਨੂੰ ਮੁੱਕਾ ਮਾਰਿਆ।
ਫਿਰ ਉਸ ਨੇ 65 ਸਾਲਾ ਵਿਅਕਤੀ ਦਾ ਪਿੱਛਾ ਕੀਤਾ ਅਤੇ ਉਸ ਨੂੰ ਮੁੱਕਾ ਮਾਰਨ ਤੋਂ ਬਾਅਦ ਉਸ ਨੂੰ ਜੱਫਾ ਪਾ ਕੇ ਸਿੱਟ ਲਿਆ।
ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਪੀੜਤ ਦੀ ਮਦਦ ਕੀਤੀ।
ਸ਼ੱਕੀ ਬਾਰੇ ਦੱਸਿਆ ਗਿਆ ਕਿ ਉਸ ਬਾਰੇ ਪੁਲਿਸ ਜਾਣਦੀ ਹੈ ਅਤੇ ਉਸ ਦਾ ਹਿੰਸਕ ਘਟਨਾਵਾਂ ਸੰਬੰਧੀ ਇਤਿਹਾਸ ਰਿਹਾ ਹੈ।
