19.69C Vancouver 19.69C VancouverMay 21, 2021 9:30 PM -
ਬੀ.ਸੀ. 'ਚ ਵਿਕਟੋਰੀਆ ਡੇਅ ਲੌਂਗ ਵੀਕਐਂਡ ਦੌਰਾਨ ਵਰਕਸੇਫ ਬੀ.ਸੀ. ਦੇ ਇੰਸਪੈਕਟਰਾਂ ਵੱਲੋਂ ਆਊਟਡੋਰ ਪੈਟਿਓ ਵਾਲੇ ਰੈਸਟੂਰੈਂਟ, ਪੱਬ ਅਤੇ ਬ੍ਰਿਊਰੀਸ 'ਤੇ ਪਹੁੰਚ ਕੀਤੀ ਜਾ ਸਕਦੀ ਹੈ।
ਇਹ ਪੁਖਤਾ ਕਰਨ ਦੇ ਲਈ ਕੋਸ਼ਿਸ਼ ਕੀਤੀ ਜਾਵੇਗੀ ਕਿ ਵਪਾਰਾਂ ਵੱਲੋਂ ਕੋਵਿਡ-19 ਸੇਫਟੀ ਪਲੈਨਸ ਦੀ ਪਾਲਣਾ ਕੀਤੀ ਜਾ ਰਹੀ ਹੈ।
ਏਜੈਂਸੀ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਹੌਟ-ਸਪੌਟ ਮੰਨੇ ਜਾ ਰਹੇ ਫਰੇਜ਼ਰ ਹੈਲਥ ਅਤੇ ਵੈਨਕੂਵਰ ਕੋਸਟਲ ਹੈਲਥ ਦੇ ਕੁਝ ਖਾਸ ਇਲਾਕਿਆਂ 'ਚ ਵਧੇਰੇ ਇੰਸਪੈਕਸ਼ਨ ਵੇਖਣ ਨੂੰ ਮਿਲ ਸਕਦੀ ਹੈ।
ਵੈਨਕੂਵਰ ਪੁਲਿਸ ਨੇ ਸਿਟੀ ਨਿਵਾਸੀਆਂ ਨੂੰ ਯਾਦ ਦਵਾਇਆ ਹੈ ਕਿ ਇਸ ਵੀਕਐਂਡ ਦੌਰਾਨ ਵੱਡੇ ਇਕੱਠਾਂ ਸੰਬੰਧੀ ਸੂਬੇ 'ਚ ਜਾਰੀ ਪਬੰਦੀਆਂ ਦੀ ਉਲੰਘਣਾ ਨਾ ਕੀਤੀ ਜਾਵੇ।
ਪੁਲਿਸ ਦਾ ਕਹਿਣਾ ਹੈ ਕਿ ਵੀਕਐਂਡ ਦੌਰਾਨ ਇਹਨਾਂ ਪਬੰਦੀਆਂ ਨੂੰ ਲਾਗੂ ਕਰਨ ਲਈ ਪੁਲਿਸ ਸਾਵਧਾਨ ਹੋਵੇਗੀ।
ਪੁਲਿਸ ਦਾ ਕਹਿਣਾ ਹੈ ਕਿ ਗ੍ਰੈਨਵਿਲ ਐਂਟਰਟੇਨਮੈਂਟ ਡਿਸਟ੍ਰਿਕਟ, ਯੇਲਟਾਊਨ ਅਤੇ ਗੈਸਟਾਊਨ ਦੇ ਇਲਾਕਿਆਂ 'ਚ ਵਧੇਰੇ ਅਫ਼ਸਰ ਤਾਇਨਾਤ ਕੀਤੇ ਜਾਣਗੇ।
ਬਿਆਨ 'ਚ ਦੱਸਿਆ ਗਿਆ ਹੈ ਕਿ ਕਿਸੇ ਇੰਡੋਰ ਇਕੱਠ ਦੇ ਮੱਦੇਨਜ਼ਰ $2,300 ਦਾ ਜੁਰਮਾਨਾ ਲਗਾਇਆ ਜਾ ਸਕਦਾ ਹੈ ਅਤੇ ਇਸ ਤੋਂ ਇਲਾਵਾ ਇਸ ਇਕੱਠ ਦਾ ਹਿੱਸਾ ਬਣਨ ਵਾਲੇ ਲੋਕਾਂ ਨੂੰ $575 ਦਾ ਜੁਰਮਾਨਾ ਹੋ ਸਕਦਾ ਹੈ।
ਯਾਦ ਰਹੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀਰਵਾਰ ਨੂੰ ਜਾਣਕਾਰੀ ਦਿੱਤੀ ਸੀ ਕਿ ਸੂਬੇ 'ਚ ਜਾਰੀ ਪਬੰਦੀਆਂ 'ਚ ਕੁਝ ਢਿੱਲ ਦੇਣ ਬਾਰੇ ਮੰਗਲਵਾਰ ਨੂੰ ਐਲਾਨ ਕੀਤਾ ਜਾ ਸਕਦਾ ਹੈ।
