12.04C Vancouver 12.04C VancouverJul 5, 2021 10:24 PM -
ਨਨਾਈਮੋ 'ਚ ਇੱਕ ਏ.ਟੀ.ਵੀ. ਹਾਦਸੇ 'ਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਹੈ।
ਪੀੜਤ ਵਿਅਕਤੀ ਦੀ ਉਮਰ 38 ਸਾਲ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਐਮਰਜੈਂਸੀ ਕਰਿਊਸ ਨੂੰ ਐਤਵਾਰ ਨੂੰ ਨਨਾਈਮੋ ਰਿਵਰ ਰੋਡ ਦੇ ਕੋਲ ਗ੍ਰੇਵਲ ਰੋਡ ਦੇ ਇਲਾਕੇ 'ਚ ਸੱਦਿਆ ਗਿਆ ਸੀ।
ਇਹ ਘਟਨਾ ਇੱਕ ਪਿੱਛੜੇ ਇਲਾਕੇ 'ਚ ਤੜਕੇ 12.30 ਵਜੇ ਤੋਂ 5.30 ਵਜੇ ਦਰਮਿਆਨ ਵਾਪਰੀ ਦੱਸੀ ਗਈ ਹੈ।
ਕਾਂਸਟੇਬਲ ਗੈਰੀ ਓ'ਬ੍ਰਾਇਨ ਦਾ ਕਹਿਣਾ ਸੀ ਕਿ ਪੀੜਤ ਵਿਅਕਤੀ ਦੇ ਦੋਸਤਾਂ ਨੇ ਉਸ ਦੀ ਭਾਲ ਸ਼ਨੀਵਾਰ ਰਾਤ ਅਰੰਭੀ ਸੀ।
ਉਹ ਆਪਣੀ ਰਾਈਡ ਤੋਂ ਵਾਪਿਸ ਨਹੀਂ ਪਰਤਿਆ ਸੀ।
ਓ'ਬ੍ਰਾਇਨ ਨੇ ਦੱਸਿਆ ਕਿ ਪੀੜਤ ਦੇ ਦੋਸਤਾਂ ਨੂੰ ਏ.ਟੀ.ਵੀ. ਦੇ ਕੋਲ ਹੀ ਪੀੜਤ ਵਿਅਕਤੀ ਮਿਲਿਆ।
ਉਸ ਨੂੰ ਸੀ.ਪੀ.ਆਰ. ਪ੍ਰਦਾਨ ਕੀਤੀ ਗਈ ਸੀ ਪਰ ਉਹ ਹੋਸ਼ 'ਚ ਨਹੀਂ ਆਇਆ।
ਬੀ.ਸੀ. ਪੈਰਾਮੈਡਿਕਸ ਮੌਕੇ 'ਤੇ ਪਹੁੰਚੇ ਸਨ ਪਰ ਇਸ ਵਿਅਕਤੀ ਨੂੰ ਮ੍ਰਿਤ ਐਲਾਨ ਦਿੱਤਾ ਗਿਆ।
ਬੀ.ਸੀ. ਕੋਰੋਨਰ ਸਰਵਿਸ ਵੱਲੋਂ ਇਸ ਵਿਅਕਤੀ ਦੀ ਮੌਤ ਦੇ ਕਾਰਨ ਬਾਰੇ ਪਤਾ ਲਗਾਉਣ ਦੀ ਜਾਂਚ ਕੀਤੀ ਜਾ ਰਹੀ ਹੈ।
