20.61C Vancouver 20.61C VancouverJul 21, 2021 10:28 PM -
ਲੈਂਗਲੀ 'ਚ ਪੁਲਿਸ ਨੂੰ ਲੋਕਾਂ ਤੋਂ ਮਦਦ ਮਿਲਣ ਦੀ ਆਸ ਹੈ ਜਿਸ ਨਾਲ ਕਿ 10 ਜੁਲਾਈ ਦੀ ਇੱਕ ਘਟਨਾ ਦੀ ਜਾਂਚ ਨੂੰ ਕਿਸੇ ਨਤੀਜੇ ਤਕ ਪਹੁੰਚਾਇਆ ਜਾ ਸਕੇ।
ਮਾਮਲਾ 10 ਜੁਲਾਈ ਨੂੰ ਵਾਪਰੇ ਇੱਕ ਰੋਡ-ਰੇਜ ਦੀ ਘਟਨਾ ਨਾਲ ਸੰਬੰਧਤ ਹੈ।
ਘਟਨਾ ਫਰੇਜ਼ਰ ਹਾਈਵੇ ਅਤੇ ਗਲੌਵਰ ਰੋਡ ਦੇ ਇੰਟਰਸੈਕਸ਼ਨ ਕੋਲ ਸਵੇਰੇ ਕਰੀਬ 11.25 'ਤੇ ਵਾਪਰੀ ਦੱਸੀ ਗਈ ਹੈ।
ਘਟਨਾ 'ਚ ਇੱਕ ਨਵੀਂ ਹਯੰਡੇ ਇਲੈਂਟਰਾ ਅਤੇ ਇੱਕ ਚਿੱਟੇ ਰੰਗ ਦਾ ਡੌਜ ਰੈਮ ਟਰੱਕ ਸ਼ਾਮਿਲ ਦੱਸਿਆ ਗਿਆ।
ਲੈਂਗਲੀ ਦੇ 47 ਸਾਲਾ ਇਲੈਂਟਰਾ ਚਾਲਕ ਦਾ ਕਹਿਣਾ ਸੀ ਕਿ ਉਸ ਨੂੰ ਡੌਜ ਦੇ ਚਾਲਕ ਨੇ ਗਲਤ ਤਰੀਕੇ ਨਾਲ ਕੱਟਿਆ ਸੀ ਜਿਸ ਕਾਰਨ ਉਸ ਨੇ ਆਪਣੀ ਗੱਡੀ ਦਾ ਸ਼ੀਸ਼ਾ ਹੇਠਾਂ ਕਰਕੇ ਉਸ ਨੂੰ ਧਿਆਨ ਕਰਨ ਲਈ ਕਿਹਾ ਸੀ।
ਉਸ ਨੇ ਦੱਸਿਆ ਕਿ ਜਦ ਦੋਵੇਂ ਵਾਹਨ ਅਗਲੀ ਇੰਟਰਸੈਕਸ਼ਨ ਕੋਲ ਬੱਤੀਆਂ 'ਤੇ ਰੁਕੇ ਤਾਂ ਡੌਜ ਦੇ 36 ਸਾਲਾ ਚਾਲਕ ਨੇ ਉਸ ਨਾਲ ਗੱਡੀ ਤੋਂ ਬਾਹਰ ਨਿਕਲ ਕੇ ਕੁੱਟਮਾਰ ਕੀਤੀ।
ਇਸ ਮਾਮਲੇ 'ਚ ਇਲਜ਼ਾਮਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੂੰ ਵੀ ਲੈਂਗਲੀ ਵਾਸੀ ਦੱਸਿਆ ਗਿਆ ਹੈ।
ਪੁਲਿਸ ਨੇ ਲੋਕਾਂ ਨੂੰ ਮੰਗ ਕੀਤੀ ਹੈ ਕਿ ਕਿਸੇ ਕੋਲ ਘਟਨਾ ਦੀ ਜਾਣਕਾਰੀ ਜਾਂ ਕੋਈ ਫੁਟੇਜ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
