10.55C Vancouver 10.55C VancouverNov 10, 2021 8:24 PM - The Canadian Press
ਵੈਸਟ ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਦੇ ਇੱਕ ਅਫ਼ਸਰ ਨੂੰ ਡਿਸਮਿਸ ਕਰ ਦਿੱਤਾ ਗਿਆ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਇਸ ਅਫ਼ਸਰ ਨੇ ਵਾਰ-ਵਾਰ ਸਿਕ ਕਾਲ ਕੀਤੀ ਸੀ ਅਤੇ ਖੁਦ ਹਾਕੀ ਦੀ ਕੋਚਿੰਗ ਦੇਣ ਪਹੁੰਚ ਜਾਂਦਾ ਸੀ।
ਆਫ਼ਿਸ ਆਫ ਪੁਲਿਸ ਕੰਪਲੇਂਟਸ ਕਮਿਸ਼ਨਰ ਦੀ ਸਾਲ 2021 ਦੀ ਸਾਲਾਨਾ ਰਿਪੋਰਟ 'ਚ ਦੱਸਿਆ ਗਿਆ ਕਿ ਇੰਟਰਨਲ ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਅਫ਼ਸਰ ਨੇ 25 ਵਾਰ ਬਿਮਾਰ ਹੋਣ ਦੀ ਜਾਣਕਾਰੀ ਦੇ ਕੇ ਕੰਮ 'ਤੇ ਪਹੁੰਚ ਨਹੀਂ ਕੀਤੀ ਸੀ ਅਤੇ ਅਜਿਹਾ ਸਾਲ 2015 ਤੋਂ 2019 ਵਿਚਾਲੇ ਹੋਇਆ ਸੀ।
ਇਹ ਵੀ ਦੱਸਿਆ ਗਿਆ ਕਿ ਅਫ਼ਸਰ ਨੂੰ ਕੱਢਿਆ ਜਾਂਦਾ ਉਸ ਤੋਂ ਪਹਿਲਾਂ ਹੀ ਅਫ਼ਸਰ ਨੇ ਅਸਤੀਫਾ ਦੇ ਦਿੱਤਾ ਸੀ।
ਹਾਲਾਂਕਿ ਓ.ਪੀ.ਸੀ.ਸੀ. ਰਿਪੋਰਟ 'ਚ ਦੱਸਿਆ ਗਿਆ ਕਿ ਇਸ ਅਫ਼ਸਰ ਦੇ ਐਂਪਲਾਇਮੈਂਟ ਰਿਕਾਰਡਸ 'ਚ ਬਦਲਾਅ ਕੀਤਾ ਗਿਆ ਹੈ ਤਾਂ ਜੋ ਉਸ ਨੂੰ ਡਿਸਮਿਸ ਹੋਇਆ ਵਿਖਾਇਆ ਜਾਵੇ।
ਹਾਕੀ ਨਾਲ ਸੰਬੰਧਤ ਇੱਕ ਹੋਰ ਮਾਮਲੇ 'ਚ ਇੱਕ ਅਫ਼ਸਰ ਨੂੰ ਝਿੜਕ ਲਗਾਈ ਗਈ ਹੈ ਅਤੇ ਇਸ ਦੀ ਵਜ੍ਹਾ ਦਿਸੰਬਰ 2019 'ਚ ਇੱਕ ਗੇਮ ਦੌਰਾਨ ਇੱਕ ਰੈਫਰੀ ਨਾਲ ਕੀਤਾ ਮਾੜਾ ਵਿਵਹਾਰ ਦੱਸੀ ਗਈ।
