16.17C Vancouver 16.17C VancouverMay 11, 2022 11:07 PM - The Canadian Press
ਹੋਮੀਸਾਈਡ ਜਾਂਚ ਅਧਿਕਾਰੀਆਂ ਨੇ ਐਬਟਸਫੋਰਡ 'ਚ ਇੱਕ ਘਰ 'ਚ ਮ੍ਰਿਤ ਮਿਲੇ 2 ਲੋਕਾਂ ਦੀ ਪਛਾਣ ਸਾਂਝੀ ਕੀਤੀ ਹੈ।
ਪੀੜਤਾਂ ਦੀ ਪਛਾਣ 70 ਤੋਂ 80 ਸਾਲ ਦੇ ਦਰਮਿਆਨ ਦੇ ਇੱਕ ਜੋੜੇ ਵਜੋਂ ਹੋਈ ਹੈ।
ਇੰਟੀਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਅੱਜ ਦੱਸਿਆ ਕਿ ਪੀੜਤਾਂ 'ਚ 77 ਸਾਲਾ ਅਰਨੌਲਡ ਡੀ ਜੌਂਗ ਅਤੇ ਉਨ੍ਹਾਂ ਦੀ 76 ਸਾਲਾ ਪਤਨੀ ਜੋਐਨ ਡੀ ਜੌਂਗ ਸ਼ਾਮਿਲ ਸਨ।
ਦੋਵਾਂ ਨੂੰ ਸੋਮਵਾਰ ਸਵੇਰ ਕਰੀਬ 10.30 ਵਜੇ ਆਰਕੇਡੀਅਨ ਵੇਅ 'ਤੇ ਸਥਿਤ ਇੱਕ ਘਰ 'ਚ ਮ੍ਰਿਤ ਪਾਇਆ ਗਿਆ ਸੀ।
ਦੋਵਾਂ ਦੀ ਮੌਤ ਸੰਬੰਧੀ ਹਾਲਾਤਾਂ ਨੂੰ ਸ਼ੱਕੀ ਦੱਸਿਆ ਗਿਆ ਹੈ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਸਬੂਤ ਇਕੱਤਰ ਕੀਤੇ ਜਾ ਰਹੇ ਹਨ, ਗਵਾਹਾਂ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ ਅਤੇ ਪੂਰੇ ਮਾਮਲੇ ਦੀ ਟਾਈਮਲਾਈਨ ਤਿਆਰ ਕੀਤੀ ਜਾ ਰਹੀ ਹੈ।
ਪੀੜਤਾਂ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
