16.12C Vancouver 16.12C VancouverJun 24, 2020 8:07 PM -
ਸਰ੍ਹੀ ਵਿੱਚ 17 ਜੂਨ ਨੂੰ ਹੋਏ 41 ਵਰ੍ਹਿਆਂ ਦੀ ਔਰਤ ਦੇ ਕਤਲ ਦੇ ਮਾਮਲੇ ਦੀ ਜਾਂਚ ਆਈਹਿੱਟ ਵੱਲੋਂ ਕੀਤੀ ਜਾ ਰਹੀ ਹੈ।
ਆਈਹਿੱਟ ਵੱਲੋਂ ਜਾਰੀ ਇੱਕ ਬਿਆਨ ਦੇ ਮੁਤਾਬਿਕ, ਕਤਲ ਹੋਈ ਬੋ ਫ਼ਾਨ ਦੇ ਬਾਰੇ ਪੁਲੀਸ ਕੋਲ ਜ਼ਿਆਦਾ ਜਾਣਕਾਰੀ ਨਹੀਂ ਹੈ।
ਬੋ ਫ਼ਾਨ ਨੂੰ ਘਾਤਕ ਜ਼ਖ਼ਮਾਂ ਨਾਲ ਸਰ੍ਹੀ ਦੇ ਹਸਪਤਾਲ ਵਿੱਚ ਪਹੁੰਚਾਇਆ ਗਿਆ ਸੀ ਜਿੱਥੇ ਆਪਣੇ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦੇ ਹੋਏ, ਉਹਨਾਂ ਨੇ ਦਮ ਤੋੜ ਦਿੱਤਾ।
ਸਾਰਜੈਂਟ ਫ੍ਰੈਂਕ ਜੈਂਗ ਨੇ ਦੱਸਿਆ ਕਿ ਪੁਲੀਸ ਦਾ ਮੰਨਣਾ ਹੈ ਕਿ ਇਹ ਕਤਲ ਮਿੱਥ ਕੇ ਕੀਤਾ ਗਿਆ।
ਉਹਨਾਂ ਦੱਸਿਆ ਕਿ ਫ਼ਾਨ, ਚੀਨ ਦੇ ਨਾਗਰਿਕ ਸਨ ਅਤੇ ਉਹਨਾਂ ਦਾ ਸੰਬੰਧ ਇੱਕ ਗੋਲਡਨ ਟੱਚ ਜਾਂ ਕਰੀਏਟ ਅਬੰਡੈਂਸ ਨਾਮਕ ਸੰਗਠਨ ਨਾਲ ਸੀ ਅਤੇ ਉਹ ਫ਼ਰਵਰੀ 2019 ਤੋਂ ਸਰ੍ਹੀ ਵਿੱਚ ਰਹਿ ਰਹੇ ਸਨ।
ਉਹਨਾਂ ਨੂੰ ਆਖਰੀ ਵਾਰ ਸੈਂਟ੍ਰਲ ਸਰ੍ਹੀ ਵਿੱਚ ਵੇਖਿਆ ਗਿਆ ਸੀ।
ਜੈਂਗ ਨੇ ਕਿਹਾ ਕਿ ਅਜੇ ਵੀ ਫ਼ਾਨ ਬਾਰੇ ਕਾਫ਼ੀ ਜਾਣਕਾਰੀ ਅਧੂਰੀ ਹੈ ਅਤੇ ਉਹਨਾਂ ਨੇ ਅਪੀਲ ਕੀਤੀ ਕਿ ਜੇਕਰ ਕਿਸੇ ਕੋਲ ਵੀ ਉਹਨਾਂ ਨਾਲ ਸੰਬੰਧਿਤ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਹ ਆਈਹਿੱਟ ਨੂੰ ਸੰਪਰਕ ਕਰਨ।
