16.85C Vancouver 16.85C VancouverMay 27, 2024 3:06 PM - The Canadian Press
ਸਕੁਐਮਿਸ਼ ਨੇੜੇ ਬੀਤੇ ਸ਼ੁੱਕਰਵਾਰ ਇਕ ਜਹਾਜ਼ ਹਾਦਸੇ ਵਿਚ 2 ਲੋਕਾਂ ਦੀ ਮੌਤ ਹੋਣ ਦੀ ਖਬਰ ਹੈ। ਪੁਲਿਸ ਨੇ ਕੱਲ੍ਹ ਇਕ ਬਿਆਨ ਜਾਰੀ ਕਰਕੇ ਦੱਸਿਆ ਕਿ ਉਹ 25 ਮਈ, 2024 ਨੂੰ ਹੋਵ ਸਾਊਂਡ ਦੇ ਪੱਛਮੀ ਪਾਸੇ ਸਕੁਐਮਿਸ਼ ਦੇ ਦੱਖਣ ਵਿੱਚ ਸਥਿਤ ਦੂਰ-ਦੁਰਾਡੇ ਦੇ ਖੇਤਰ ਵਿਚ ਪਹੁੰਚੀ ਸੀ। ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ ਪੁਸ਼ਟੀ ਕੀਤੀ ਕਿ ਜਹਾਜ਼ ਵਿਚ ਸਵਾਰ 2 ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ।
ਪੁਲਿਸ ਅਨੁਸਾਰ ਉਨ੍ਹਾਂ ਨੂੰ ਸ਼ੁੱਕਰਵਾਰ ਸ਼ਾਮ ਨੂੰ ਹਾਦਸੇ ਤੋਂ ਬਾਅਦ ਇਕ ਸਮਾਰਟਫੋਨ ਤੋਂ ਆਟੋਮੈਟਿਕ ਕਰੈਸ਼ ਸੂਚਨਾ ਮਿਲੀ ਸੀ। ਜੁਆਇੰਟ ਰੈਸਕਿਊ ਕੋਆਰਡੀਨੇਸ਼ਨ ਸੈਂਟਰ ਅਨੁਸਾਰ ਇਸ ਹਾਦਸੇ ਦੀ ਲੋਕੇਸ਼ਨ ਵੈਨਕੂਵਰ ਤੋਂ 20 ਸਮੁੰਦਰੀ ਮੀਲ ਉੱਤਰ ਵਿਚ ਸੀ। ਪੁਲਿਸ ਦੇ ਬਿਆਨ ਅਨੁਸਾਰ ਜਹਾਜ਼ ਦੀ ਤਲਾਸ਼ ਵਿਚ ਸਕੁਐਮਿਸ਼ ਖੋਜ ਅਤੇ ਬਚਾਅ ਬਲੈਕਕੋਮਬੋ ਹੈਲੀਕਾਪਟਰਾਂ ਅਤੇ ਕਈ ਲੋਕਾਂ ਵਲੋਂ ਮਦਦ ਕੀਤੀ ਗਈ ਸੀ।
ਆਰ.ਸੀ.ਐੱਮ.ਪੀ. ਦਾ ਕਹਿਣਾ ਹੈ ਕਿ ਉਹ “ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਅਤੇ ਬੀ.ਸੀ.ਕੋਰੋਨਰ ਸਰਵਿਸ ਨਾਲ ਮਿਲ ਕੇ ਇਹ ਹਾਦਸੇ ਦੀ ਜਾਂਚ ਕਰ ਰਹੇ ਹਨ। ਪੁਲਿਸ ਅਨੁਸਾਰ ਮਾਮਲੇ ਦੀ ਜਾਂਚ ਜਾਰੀ ਹੋਣ ਕਾਰਨ ਇਸ ਸੰਬੰਧੀ ਹੋਰ ਵੇਰਵੇ ਅਜੇ ਜਾਰੀ ਨਹੀਂ ਕੀਤੇ ਜਾ ਰਹੇ ਹਨ।
