19.86C Vancouver 19.86C VancouverOct 14, 2020 10:36 PM -
ਬੀ.ਸੀ. ਦੀਆਂ ਤਿੰਨ ਮੁੱਖ ਰਾਜਨੀਤਕ ਪਾਰਟੀਆਂ ਦੀ ਆਲੋਚਨਾ ਕੀਤੀ ਜਾ ਰਹੀ ਹੈ ਅਤੇ ਸਵਾਲ ਚੁੱਕੇ ਜਾ ਰਹੇ ਹਨ ਕਿ ਇਹ ਪਾਰਟੀਆਂ ਲਾਪਤਾ ਅਤੇ ਕਤਲ ਕੀਤੀਆਂ ਗਈਆਂ ਇੰਡੀਜਨਸ ਔਰਤਾਂ ਦੇ ਮਸਲੇ ਨੂੰ, ਆਪਣੇ ਇਲੈਕਸ਼ਨ ਪਲੈਟਫਾਰਮ 'ਚ ਸ਼ਾਮਿਲ ਕਰਨ 'ਚ ਨਾਕਾਮ ਰਹੀਆਂ ਹਨ।
18 ਗਰੁੱਪਾਂ ਦੇ ਗੱਠਜੋੜ ਨੇ ਜਿਸ 'ਚ ਯੂਨੀਅਨ ਆਫ ਬੀ.ਸੀ. ਇੰਡੀਅਨ ਚੀਫ਼ਸ ਵੀ ਸ਼ਾਮਿਲ ਹੈ ਉਨ੍ਹਾਂ ਐਨ.ਡੀ.ਪੀ., ਲਿਬਰਲ ਅਤੇ ਗ੍ਰੀਨ ਲੀਡਰਾਂ ਨੂੰ ਚਿੱਠੀ ਭੇਜੀ ਹੈ।
ਇਸ ਚਿੱਠੀ 'ਚ ਗਹਿਰੀ ਚਿੰਤਾ ਅਤੇ ਪ੍ਰੇਸ਼ਾਨੀ ਦਾ ਪ੍ਰਗਟਾਵਾ ਕੀਤਾ ਗਿਆ ਹੈ ਅਤੇ ਕਿਹਾ ਗਿਆ ਹੈ ਕਿ ਕਿਸੇ ਨੀਤੀ ਦਾ ਜ਼ਿਕਰ ਨਹੀਂ ਕੀਤਾ ਗਿਆ ਕਿ ਮਾਮਲੇ 'ਚ ਰਾਸ਼ਟਰੀ ਇੰਕਵਾਇਰੀ ਦੇ ਤੱਥਾਂ ਨੂੰ ਹੋਂਦ 'ਚ ਲਿਆਂਦਾ ਜਾ ਸਕੇ।
ਗੱਠਜੋੜ ਦਾ ਕਹਿਣਾ ਹੈ ਕਿ ਪੈਂਡੇਮਿਕ ਦੇ ਸਮੇਂ ਵਿਖਾਈ ਫੁਰਤੀ ਤੋਂ ਪਤਾ ਚਲਦਾ ਹੈ ਕਿ ਸਰਕਾਰਾਂ ਮਨੁੱਖੀ ਜੀਵਨ ਨੂੰ ਪਈ ਮੁਸੀਬਤ 'ਚ ਜਲਦੀ ਹਰਕਤ 'ਚ ਆ ਜਾਂਦੀਆਂ ਹਨ।
ਪਰ ਉਨ੍ਹਾਂ ਕਿਹਾ ਕਿ ਇਹੀ ਸਰਕਾਰਾਂ ਜੇਕਰ ਲਾਪਤਾ ਅਤੇ ਮਾਰੀਆਂ ਗਈਆਂ ਔਰਤਾਂ ਲਈ ਸੰਜੀਦਗੀ ਨਾਲ ਕੰਮ ਨਹੀਂ ਕਰਦੀਆਂ, ਤਾਂ ਇਹੀ ਲਗਦਾ ਹੈ ਕਿ ਪਾਰਟੀਆਂ ਲਈ ਇਨ੍ਹਾਂ ਜਾਨਾਂ ਦੀ ਕੋਈ ਕੀਮਤ ਨਹੀਂ ਹੈ।
ਗਰੁੱਪ ਨੇ ਪਾਰਟੀਆਂ ਨੂੰ ਕਿਹਾ ਹੈ ਕਿ ਜਾਣਕਾਰੀ ਦਿੱਤੀ ਜਾਵੇ ਕਿ ਰਾਸ਼ਟਰੀ ਇੰਕਵਾਇਰੀ ਦੀਆਂ ਫਾਇੰਡਿੰਗਸ ਨੂੰ ਹੋਂਦ 'ਚ ਲਿਆਉਣ ਲਈ ਫੰਡ ਅਤੇ ਐਕਸ਼ਨ ਪਲੈਨ ਕਿਵੇਂ ਸਥਾਪਿਤ ਕੀਤਾ ਜਾਵੇਗਾ।
