ਪ੍ਰੀਮੀਅਰ ਡੇਵਿਡ ਈਬੀ ਨੇ ਅਮਰੀਕਾ ਦੇ ਥਰਮਲ ਕੋਲੇ 'ਤੇ ਫੈਡਰਲ ਸਰਕਾਰ ਤੋਂ ਟੈਕਸ ਲਗਾਉਣ ਦੀ ਕੀਤੀ ਮੰਗ

ਪ੍ਰੀਮੀਅਰ ਡੇਵਿਡ ਈਬੀ ਨੇ ਟਰੰਪ ਦੇ ਟੈਰਿਫ ਦੇ ਜਵਾਬ ਵਿਚ ਬੀਸੀ ਵਿਚੋਂ ਹੋ ਕੇ ਜਾਣ ਵਾਲੇ ਅਮਰੀਕਾ ਦੇ ਥਰਮਲ ਕੋਲੇ 'ਤੇ ਫੈਡਰਲ ਸਰਕਾਰ ਤੋਂ ਟੈਕਸ ਲਗਾਉਣ ਦੀ ਮੰਗ ਕੀਤੀ ਹੈ। ਕਿਹਾ ਜਾਂਦਾ ਹੈ ਕਿ ਅਮਰੀਕਾ ਦੀ ਮੋਂਟਾਨਾ ਅਤੇ ਵਾਇਮਿੰਗ ਸਟੇਟ ਲਈ ਬੀਸੀ ਪੋਰਟਸ ਇੱਕ ਲਾਈਫਲਾਈਨ ਹਨ, ਜੋ ਏਸ਼ੀਆਈ ਬਾਜ਼ਾਰਾਂ ਵਿਚ ਕੋਲਾ ਸਪਲਾਈ ਕਰਨ ਲਈ ਕੈਨੇਡਾ 'ਤੇ ਨਿਰਭਰ ਹਨ।

ਵੈਨਕੂਵਰ ਫਰੇਜ਼ਰ ਪੋਰਟ ਅਥਾਰਟੀ ਮੁਤਾਬਕ, 2024 ਵਿਚ ਵੈਨਕੂਵਰ ਦੀ ਬੰਦਰਗਾਹ ਨੇ ਕਰੀਬ 17.4 ਮਿਲੀਅਨ ਮੀਟ੍ਰਿਕ ਟਨ ਥਰਮਲ ਕੋਲੇ ਨੂੰ ਹੈਂਡਲ ਕੀਤਾ, ਜਿਸ ਦਾ ਲਗਭਗ ਤਿੰਨ ਚੌਥਾਈ ਹਿੱਸਾ ਅਮਰੀਕਾ ਤੋਂ ਆਇਆ ਸੀ ਅਤੇ ਇਹ ਦੱਖਣੀ ਕੋਰੀਆ ਤੇ ਜਾਪਾਨ ਵਰਗੇ ਵਿਦੇਸ਼ੀ ਬਾਜ਼ਾਰਾਂ ਵਿਚ ਭੇਜਿਆ ਗਿਆ ਸੀ।

ਈਬੀ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਕੋਲ ਸਿੱਧੇ ਇਹ ਪ੍ਰਸਤਾਵ ਰੱਖਿਆ ਹੈ, ਜਿਸ ਵਿਚ ਅਮਰੀਕਾ ਦੇ ਕੋਲਾ ਨਿਰਯਾਤ 'ਤੇ ਟੈਕਸ ਲਗਾਉਣ ਜਾਂ ਇੱਥੋਂ ਤੱਕ ਇਸ ਨੂੰ ਪੂਰੀ ਤਰ੍ਹਾਂ ਰੋਕਣ ਦੀ ਮੰਗ ਸ਼ਾਮਲ ਹੈ। ਬੀਸੀ ਦੇ ਵਿਰੋਧੀ ਧਿਰ ਦੇ ਲੀਡਰ ਜੌਨ ਰਸਟੈਡ ਵੀ ਇਹ ਮੰਗ ਕਰ ਚੁੱਕੇ ਹਨ।