20.64C Vancouver 20.64C VancouverSep 7, 2021 3:34 PM -
ਬੀ ਸੀ ਦੇ ਪ੍ਰੀਮਿਯਰ ਜੋਹਨ ਹੋਰਗਨ ਵੱਲੋਂ ਅੱਜ ਬੀ ਸੀ ਦੇ ਆਉਣ ਵਾਲੇ ਕੋਵਿਡ 19 ਵੈਕਸੀਨ ਕਾਰਡ ਸਿਸਟਮ ਦੇ ਵੇਰਵੇ ਜਾਰੀ ਕੀਤੇ ਜਾਣਗੇ।
ਅਗਲੇ ਹਫ਼ਤੇ ਤੋਂ ਲਾਗੂ ਹੋਣ ਵਾਲੇ ਇਸ ਸਿਸਟਮ ਦੇ ਵੇਰਵੇ ਅੱਜ ਹੋਰਗਨ, ਹੈਲਥ ਮਿਨਿਸਟਰ ਏਡ੍ਰਿਯਨ ਡਿਕ੍ਸ ਅਤੇ ਸੂਬੇ ਦੀ ਚੋਟੀ ਦੀ ਸਿਹਤ ਅਧਿਕਾਰੀ ਡਾਕਟਰ ਬੋਨੀ ਹੈਨਰੀ ਵੱਲੋਂ ਜਾਰੀ ਕੀਤੇ ਜਾਣਗੇ।
ਸੂਬੇ ਵਿੱਚ ਵੈਕਸੀਨ ਕਾਰਡ ਸਿਸਟਮ 13 ਸਿਤੰਬਰ ਤੋਂ ਲਾਗੂ ਹੋ ਜਾਣਾ ਹੈ ਜਿਸ ਅਧੀਨ ਰੇਸਟੌਰਾਂਟਸ, ਸਿਨੇਮਾ ਘਰਾਂ ਅਤੇ ਖੇਡਾਂ ਨਾਲ ਜੁੜਿਆ ਕੋਈ ਈਵੇਂਟ ਦੇਖਣ ਜਾਣ ਵਾਸਤੇ ਇੱਕ ਟੀਕਾ ਲੱਗੇ ਹੋਣ ਦਾ ਸਬੂਤ ਦਿਖਾਉਣਾ ਲਾਜ਼ਮੀ ਹੋਵੇਗਾ।
24 ਅਕਟੂਬਰ ਤੋਂ 12 ਸਾਲ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਦੋਵੇਂ ਟੀਕੇ ਲੱਗੇ ਹੋਣ ਦਾ ਸਬੂਤ ਦਿਖਾਉਣਾ ਲਾਜ਼ਮੀ ਹੋਵੇਗਾ।
ਉਧਰ ਕੈਨੇਡਾ ਦੀ ਪੁਲੀਸ ਐਸੋਸੀਏਸ਼ਨ ਦੇ ਪ੍ਰਧਾਨ ਨੇ ਕਿਹਾ ਕਿ ਉਹਨਾਂ ਵੱਲੋਂ ਸੂਬੇ ਦੀ ਸਰਕਾਰ ਦੇ ਇਸ ਪ੍ਰੋਗਰਾਮ ਤੇ ਨਿਗਾ ਰੱਖੀ ਜਾ ਰਹੀ ਹੈ।
ਉਹਨਾਂ ਨੇ ਕਿਹਾ ਕਿ ਜਦ ਹੋਰਗਨ ਇਹ ਕਹਿੰਦੇ ਹਨ ਕਿ ਜੇ ਕੋਈ ਸਬੂਤ ਨਾਂ ਦਿਖਾਵੇ ਤਾਂ ਪੁਲੀਸ ਨੂੰ ਸਦ ਲਿਆ ਜਾਵੇ ਇਹ ਗੱਲ ਅਸਲੀਅਤ ਤੋਂ ਦੂਰ ਲੱਗਦੀ ਹੈ।
ਬੀ ਸੀ ਸੀ ਡੀ ਸੀ ਦੀ ਰੀਪੋਰਟ ਦੇ ਮੁਤਾਬਿਕ ਇਸ ਸਮੇਂ ਸੂਬੇ ਵਿੱਚ ਕੋਵਿਡ 19 ਦੇ 5872 ਐਕਟਿਵ ਕੇਸ ਹਨ।
