13.42C Vancouver 13.42C VancouverApr 8, 2020 1:37 AM -
ਐਲਬਰਟਾ ਦੇ ਪ੍ਰੀਮੀਯਰ ਜੇਸਨ ਕੈਨੀ ਮੰਗਲਵਾਰ ਨੂੰ ਟੀ.ਵੀ. ਮਾਧਿਅਮ ਰਾਹੀਂਸੂਬੇ ਦੇ ਲੋਕਾਂ ਦੇ ਰੂਬਰੂ ਹੋਏਅਤੇ ਸੂਬੇ 'ਚ ਕੋਵਿਡ-19 ਦੇ ਸੰਕਟ ਨਾਲ ਸੰਬੰਧਤ ਭਵਿੱਖਵਾਣੀ ਕਰਨ ਵਾਲੇ ਮਾਡਲ ਪੇਸ਼ ਕੀਤੇ।
ਉਨ੍ਹਾਂ ਸੂਬੇ ਦੇ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਸੂਬੇ 'ਚ ਆਉਂਦੇ ਕੁਝ ਮਹੀਨਿਆਂ ਤਕ 400 ਤੋਂ 6,600 ਲੋਕਾਂ ਦੀ ਜਾਨ ਜਾ ਸਕਦੀ ਹੈ।
ਪ੍ਰੀਮੀਯਰ ਨੇ ਕਿਹਾ ਕਿ ਇਹ ਅੰਕੜੇ 'ਚੰਗੇ ਤੋਂ ਚੰਗੇ' ਅਤੇ 'ਮਾੜੇ ਤੋਂ ਮਾੜੇ' ਹਾਲਾਤਾਂ ਦੇ ਅਨੁਮਾਨ ਅਨੁਸਾਰ ਤਿਆਰ ਕੀਤੇ ਗਏ ਹਨ ਅਤੇ ਇਹ ਕਿਸ ਪਾਸੇ ਨੂੰ ਜਾਂਦੇ ਹਨ, ਇਹ ਸੂਬੇ ਦੇ ਲੋਕਾਂ 'ਤੇ ਨਿਰਭਰ ਕਰੇਗਾ।
ਜੇਸਨ ਕੈਨੀ ਨੇ ਕਿਹਾ ਕਿ ਮੌਜੂਦਾ ਸਮੇਂ ਸੂਬੇ 'ਚ ਜਾਰੀ ਸਖਤ ਨਿਰਦੇਸ਼ਾਂ ਨੂੰ ਮਈ ਦੇ ਅੰਤ ਤਕ ਜਾਰੀ ਰੱਖਿਆ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਜਦ ਹਜ਼ਾਰਾਂ ਜਿੰਦਗੀਆਂ ਦਾਅ 'ਤੇ ਲੱਗੀਆਂ ਹੋਣ ਤਾਂ ਅਜਿਹਾ ਕਰਨਾ ਜਰੂਰੀ ਹੋ ਜਾਂਦਾ ਹੈ।
ਗਰਮੀਆਂ ਦੇ ਅੰਤ ਤਕ ਸੂਬੇ 'ਚ 8,00,000 ਲੋਕਾਂ ਦੇ ਵਾਇਰਸ ਨਾਲ ਪੀੜਤ ਹੋਣ ਸੰਬੰਧੀ ਪ੍ਰਾਜੈਕਸ਼ਨ ਕੀਤੀ ਗਈ ਹੈ।
ਯਾਦ ਰਹੇ ਐਲਬਰਟਾ 'ਚ ਅੱਜ ਵਾਇਰਸ ਸੰਬੰਧੀ 25 ਹੋਰ ਮਾਮਲੇ ਉਜਾਗਰ ਹੋਏ ਹਨ, ਜਦਕਿ 2 ਹੋਰ ਵਾਇਰਸ ਪੀੜਤਾਂ ਨੇ ਦਮ ਤੋੜ ਦਿੱਤਾ ਹੈ।
ਸੂਬੇ 'ਚ ਵਾਇਰਸ ਪੀੜਤਾਂ ਦੀ ਗਿਣਤੀ 1,373 ਤਕ ਪਹੁੰਚ ਗਈ ਹੈ।
