14.77C Vancouver 14.77C VancouverFeb 28, 2020 9:35 PM -
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ, ਉਨ੍ਹਾਂ ਦਾ ਸਮਿਥਰਸ ਵਿੱਚ ਜਾਰੀ ਬੈਠਕ 'ਚ ਸ਼ਾਮਿਲ ਹੋਣ ਦਾ ਕੋਈ ਇਰਾਦਾ ਨਹੀਂ ਹੈ।
ਇਹ ਬੈਠਕ ਫੈਡਰਲ ਸਰਕਾਰ, ਬੀ.ਸੀ. ਦੀ ਸੂਬਾ ਸਰਕਾਰ, ਅਤੇ ਵੈਟ'ਸੁਵੈਟ'ਐਨ ਲੀਡਰਾਂ ਵਿਚਾਲੇ ਜਾਰੀ ਹੈ।
ਬੈਠਕ ਵੀਰਵਾਰ ਨੂੰ ਹੋਣ ਤੋਂ ਬਾਅਦ, ਸ਼ੁੱਕਰਵਾਰ ਨੂੰ ਵੀ ਜਾਰੀ ਰਹੀ।
ਹੌਰਗਨ ਨੇ ਕਿਹਾ ਕਿ ਬੀ.ਸੀ. ਦਾ ਪੱਖ, ਇੰਡੀਜਨਸ ਰਿਲੇਸ਼ਨਸ ਮੰਤਰੀ ਸਕੌਟ ਫਰੇਜ਼ਰ ਵੱਲੋਂ ਰਖਿਆ ਜਾ ਰਿਹਾ ਹੈ।
ਹੌਰਗਨ ਨੇ ਦੱਸਿਆ ਕਿ ਬੀਤੇ ਰਾਤ ਵੀ ਉਨ੍ਹਾਂ ਨੂੰ ਬੈਠਕ ਬਾਰੇ ਅਪਡੇਟਸ ਦਿੱਤੀਆਂ ਗਈਆਂ ਸਨ, ਅਤੇ ਉਨ੍ਹਾਂ ਦਾ ਮੰਨਣਾ ਹੈ ਕਿ ਗੱਲਬਾਤ ਸਹੀ ਦਿਸ਼ਾ ਵੱਲ ਜਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਪਾਈਪਲਾਈਨ ਮਸਲੇ 'ਤੇ 20 ਇੰਡੀਜਨਸ ਭਾਈਚਾਰਿਆਂ ਨੇ ਸਵਾਲ ਉਠਾਏ ਹਨ, ਜਿਸ ਵਿੱਚ ਚੁਣੇ ਹੋਏ ਵੈਟ'ਸੁਵੈਟ'ਐਨ ਲੀਡਰ ਵੀ ਸ਼ਾਮਿਲ ਹਨ, ਅਤੇ ਇਹ ਦੇਸ਼ 'ਤੇ ਨਿਰਭਰ ਕਰਦਾ ਹੈ ਕਿ ਮਸਲੇ ਦਾ ਹੱਲ ਕਿਵੇਂ ਕੀਤਾ ਜਾਵੇ।
ਹੌਰਗਨ ਨੇ ਇਹ ਟਿੱਪਣੀਆਂ ਡੈਲਟਾ 'ਚ ਕੀਤੀਆਂ, ਜਿਥੇ ਓਹ ਇੱਕ ਵਿਦਿਆਰਥੀਆਂ ਸੰਬੰਧੀ ਗਰਾਂਟ ਬਾਰੇ ਦੱਸ ਰਹੇ ਸਨ।
