22.33C Vancouver 22.33C VancouverFeb 4, 2022 11:27 PM - Connect News
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵਰਲਡ ਕੈਂਸਰ ਡੇਅ ਮੌਕੇ ਇਸ ਬਿਮਾਰੀ ਸੰਬੰਧੀ ਗੱਲਬਾਤ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਬੀ.ਸੀ. 'ਚ ਕਰੀਬ 85 ਲੋਕਾਂ ਨੂੰ ਹਰ ਰੋਜ ਕੈਂਸਰ ਤੋਂ ਪੀੜਤ ਪਾਇਆ ਜਾਂਦਾ ਹੈ।
ਉਨ੍ਹਾਂ ਕਿਹਾ ਕਿ ਇਹ ਗੱਲ ਉਹ ਵਿਅਕਤੀ ਕਹਿ ਰਿਹਾ ਹੈ ਜੋ ਖੁਦ ਇੱਕ ਦਿਨ ਇਨ੍ਹਾਂ 85 ਲੋਕਾਂ ਵਿੱਚੋਂ ਇੱਕ ਸੀ।
ਹੌਰਗਨ ਨੇ ਇਸ ਸੰਬੰਧ 'ਚ ਅੱਜ ਇੱਕ ਬਿਆਨ ਜਾਰੀ ਕੀਤਾ ਹੈ।
ਯਾਦ ਰਹੇ ਬੀਤੇ ਸਾਲ ਨਵੰਬਰ 'ਚ ਜੌਨ ਹੌਰਗਨ ਨੂੰ ਥਰੋਟ ਕੈਂਸਰ ਤੋਂ ਪੀੜਤ ਪਾਇਆ ਗਿਆ ਸੀ।
ਇਸ ਤੋਂ ਬਾਅਦ ਪ੍ਰੀਮਿਅਰ ਨੂੰ ਰੇਡੀਏਸ਼ਨ ਦੇ 35 ਦੌਰ ਦੇ ਇਲਾਜ ਵਿੱਚੋਂ ਲੰਘਣਾ ਪਿਆ ਹੈ।
ਉਨ੍ਹਾਂ ਕਿਹਾ ਕਿ ਜਿਹੜੀ ਬਿਮਾਰੀ ਸੰਬੰਧੀ ਖਬਰ ਉਨ੍ਹਾਂ ਨੂੰ ਮਿਲੀ ਸੀ ਉਹ ਖਬਰ ਹਰ ਸਾਲ ਸੂਬੇ 'ਚ ਕਰੀਬ 31,000 ਲੋਕਾਂ ਨੂੰ ਮਿਲਦੀ ਹੈ।
ਉਨ੍ਹਾਂ ਹੈਲਥ ਕੇਅਰ ਵਰਕਰਾਂ ਅਤੇ ਡਾਕਟਰਾਂ ਦਾ ਵੀ ਧੰਨਵਾਦ ਕੀਤਾ।
ਉਨ੍ਹਾਂ ਹੈਲਥ ਕੇਅਰ ਸਿਸਟਮ ਦੀ ਮਜਬੂਤੀ 'ਤੇ ਵੀ ਜੋਰ ਦਿੱਤਾ।
ਇਸ ਤੋਂ ਇਲਾਵਾ ਅੱਜ ਦੀ ਪ੍ਰੀਮਿਅਰਸ ਦੀ ਵਰਚੁਅਲ ਬੈਠਕ ਦੌਰਾਨ ਜੌਨ ਹੌਰਗਨ ਨੇ ਕਿਹਾ ਕਿ ਮੌਜੂਦਾ ਹੈਲਥ ਕੇਅਰ ਸਿਸਟਮ 'ਚ ਹੈਲਥ ਕੇਅਰ ਸੇਵਾਵਾਂ ਨੂੰ ਸਸਟੇਨੇਬਲ ਬਣਾਉਣਾ ਮੁਸ਼ਕਿਲ ਹੈ।
