11.59C Vancouver 11.59C VancouverApr 10, 2020 9:28 PM -
ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟ੍ਰੰਪ ਦਾ ਕਹਿਣਾ ਹੈ ਕਿ ਕੋਰੋਨਾ ਵਾਇਰਸ ਦੇ ਕਾਰਨ ਵੱਡੀ ਗਿਣਤੀ 'ਚ ਅਮਰੀਕਨ ਲੋਕਾਂ ਨੇ ਜਾਨ ਗਵਾਈ ਹੈ।
ਪਰ ਉਨ੍ਹਾਂ ਨਾਲ ਹੀ ਕਿਹਾ ਕਿ ਕੁਝ ਉਮੀਦ ਦੇ ਨਿਸ਼ਾਨ ਵੀ ਵਿਖਾਈ ਦੇ ਰਹੇ ਹਨ।
ਟ੍ਰੰਪ ਨੇ ਕਿਹਾ ਕਿ, 'ਦੁਖ ਅਤੇ ਦਰਦ ਦੀ ਇਸ ਘੜੀ ਦੇ ਵਿਚਾਲੇ, ਦੇਸ਼ ਇਹ ਵੀ ਵੇਖ ਰਿਹਾ ਹੈ ਕਿ ਸਾਡੇ ਉਠਾਏ ਕਦਮ ਅਤੇ ਅਪਣਾਈ ਗਈ ਰਣਨੀਤੀ, ਅਸਰ ਵਿਖਾ ਰਹੀ ਹੈ।'
ਉਨ੍ਹਾਂ ਕਿਹਾ ਕਿ ਇਸਦੇ ਵਿਚ ਹਸਪਤਾਲਾਂ 'ਚ ਹੋ ਰਹੇ ਘਟ ਦਾਖਿਲੇ ਵੀ ਸ਼ਾਮਿਲ ਹਨ।
ਟ੍ਰੰਪ ਨੇ ਇਹ ਟਿੱਪਣੀਆਂ ਉਸੇ ਦਿਨ ਕੀਤੀਆਂ ਹਨ ਜਦ ਵਿਸ਼ਵ ਭਰ 'ਚ ਇਸ ਵਾਇਰਸ ਕਾਰਨ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 100,000 ਦੇ ਪਾਰ ਪਹੁੰਚ ਗਈ ਹੈ।
ਇੱਕ ਪਾਸੇ ਟ੍ਰੰਪ ਨੇ ਕਿਹਾ ਕਿ ਇਕਾਨਮੀ ਨੂੰ ਕਦੋਂ ਖੋਲ੍ਹਿਆ ਜਾਵੇ, ਇਸਤੇ ਵਿਚਾਰ ਹੋ ਰਿਹਾ ਹੈ, ਪਰ ਨਾਲ ਹੀ ਉਨ੍ਹਾਂ ਕਿਹਾ ਕਿ ਨਵੇਂ ਮਾਡਲ ਦਰਸ਼ਾਉਂਦੇ ਹਨ ਕਿ ਦੇਸ਼ 'ਚ ਵਾਇਰਸ ਕਾਰਨ ਉੰਨੇ ਲੋਕਾਂ ਦੀ ਜਾਨ ਨਹੀਂ ਜਾਵੇਗੀ, ਜਿੰਨੀ ਕਿ ਪਹਿਲਾਂ ਦੱਸੀ ਜਾ ਰਹੀ ਸੀ।
ਹਾਲਾਂਕਿ ਮਾਹਿਰਾਂ ਦਾ ਮੰਨਣਾ ਹੈ ਕਿ ਸਮੇਂ ਤੋਂ ਪਹਿਲਾਂ ਅਮਰੀਕਾ 'ਚ ਪਬੰਧੀਆਂ ਹਟਾਉਣਾ ਵਧੇਰੇ ਮਾਮਲਿਆਂ ਦੇ ਸਾਹਮਣੇ ਆਉਣ ਦਾ ਕਾਰਨ ਬਣ ਸਕਦਾ ਹੈ।
